ඉන්දියාවේ කේරළ ප්රාන්තයේ දී සංචාරක බෝට්ටුවක් පෙරළී යාමෙන් එහි ගමන්ගත් 21 දෙනෙක් ජීවිතක්ෂයට පත්ව තිබෙනවා.
ඊයේ රාත්රීයේදී සිදුවූ මේ අනතුරින් මියගිය ගණන ඉදිරියේ දී තවත් වැඩිවිය හැකි බවයි සහන සේවා කණ්ඩායම් පවසන්නේ.
පමණට වැඩ මගීන් වැඩි පිරිසක් තට්ටු දෙකකින් සමන්විත මෙම මගී බෝට්ටුවට නංවා ගැනීම අනතුරට ප්රධානතම හේතුව බවයි මෙතෙක් කරන ලද පරීක්ෂණවලින් අනාවරණය වී ඇත්තේ.
බෝට්ටුව ගිලී යන අවස්ථාවේ ඒ තුළ මගීන් 50 දෙනෙකු පමණ සිටි බවත් වාර්තා වී තිබෙනවා.
දිවි බේරාගැනුණු සිව්දෙනෙකුගේ තත්ත්වය අසාධ්ය බව ද අලුත්ම වාර්තා සඳහන්.
මුදාගැනීමේ මෙහෙයුම් තවදුරටත් ක්රියාත්මකයි.
මේ අතර, පේරු රාජ්යයේ රත්රන් පතලක් තුළ හටගත් ගින්නකින් පතල් සේවකයින් 27ක් ජීවිතක්ෂයට පත්ව ඇති බව ඊයේ එරට “ලා රෙපබ්ලිකා” පුවත්පත වාර්තා කර තිබුණා.
වසර 40 කට පසු පේරුහි සිදුවූ දරුණුම රත්රන් පතල් අනතුර මෙය බවයි වාර්තා වන්නේ.
