තමිල්නාඩු ප්රාන්තයේ මදුරෙයි ප්රදේශයේ දී දුම්රියක ඇති වූ ගින්නකින් පුද්ගලයන් 10 දෙනෙකු මියගොස් ඇති බව වාර්තා වනවා.
ඉන්දීය මාධ්ය තොරතුරු වාර්තා කරන්නේ මෙම ගිනි ගැනීමෙන් තවත් 20 දෙනෙක් පමණ තුවාල ලබා ඇති බවයි.
අද (26) අලුයම මදුරෙයි දුම්රිය ස්ථානය අසල නවතා තිබූ සංචාරක දුම්රියක මෙම ගින්න හටගෙන තිබෙනවා.
ගින්නට හසුව ජීවිතක්ෂයට පත්වූ පුද්ගලයින්ගේ මෘත දේහය මදුරෙයි රාජාජි රජයේ රෝහල වෙත යොමු කර ඇති බවයි වාර්තා වන්නේ.
ඉන්දීය මාධ්ය වැඩිදුරටත් තොරතුරු වාර්තා කරන්නේ උත්තර් ප්රදේශ්හි සිට පැමිණි වන්දනාකරුවන් පිරිසක් මෙම දුම්රිය තුළ සිට ඇති බවයි.
සංචාරක දුම්රියේ සිටි මගියෙකු කෝපි සෑදීම සඳහා ගෑස් ලිපක් දැල්වීමේ දී එය පිපිරීමට ලක්ව ගින්න හටගෙන ඇති බවයි තමිල්නාඩු පොලිසිය පවසන්නේ.
මෙම ගෑස් සිලින්ඩරයක් දැනුවත් කිරීමකින් තොරව හොර රහසේ දුම්රියේ රැගෙන ඇවිත් ඇති බවට ද තොරතරු අනාවරණය වී තිබෙනවා.
