ඉන්දියාවේ, අහමදාබාද් නුවර සිට ශ්රී ලංකාවේ කටුනායක ගුවන් තොටුපොළ වෙත, ඍජු ගුවන් ගමන් සේවා ආරම්භ කරමින් , ප්රථම මංගල ගුවන් යානය ( Inogaral Flight ) අද (19) දින පස්වරුවේ කටුනායක ගුවන් තොටුපොළ වෙත පැමිණියා.
ෆිට්ස් එයාර් ගුවන් සේවයට අයත් 8.ඩී.- 964 දරන මෙම ගුවන් යානය අද දින පස්වරු 02.10 ට කටුනායක ගුවන් තොටුපොළ වෙත ළඟා වුණා .
මෙම ප්රථම මංගල ගුවන් ගමන සදහා ඒ.- 320 වර්ගයේ ගුවන් යානයක්, ෆිට්ස් එයාර් ගුවන් සේවය විසින් යොදවා තිබූ අතර , එහි මගීන් සහ ගුවන් යානා කාර්යය මණ්ඩලය 168 දෙනෙක් පැමිණ සිටියා .
ගුජරාට් ප්රාන්තයේ ප්රධාන නගරය වන අහමදාබාද් නුවර සිට කටුනායක ගුවන් තොටුපොළ වෙත පැමිණීමට මීට පැය 10 ක ගුවන් ගමනක යෙදීමට සිදු වී තිබූ අතර , එය මෙම නව ගුවන් සේවය මගින් එය පැය 02 විනාඩි 50 දක්වා අඩු කිරීමට සමත් ව තිබෙනවා.
මින් පසු මෙම ගුවන් යානා සතියේ සදුදා, බදාදා සහ සිකුරාදා යන දිනවල අහමදාබාද් සහ කටුනායක ගුවන් තොටුපොළ අතර ක්රියාත්මක වීමට නියමිතයි.
