ඉදිරියේ දී පාර්ලිමේන්තුවේ කාන්තා නියෝජනය 50%ක් විය යුතු බව අග්රාමාත්ය හරිනි අමරසූරිය පවසනවා.
යාපනය, මාන්පායි ප්රදේශයේ ඊයේ (15) පැවති ජනහමුවක් අමතමින් අග්රාමාත්යවරිය මේ බව සඳහන් කළා.
මෙහිදී වැඩිදුරටත් අදහස් දැක් වූ අග්රාමාත්යවරිය පැවසුවේ; ඉතිහාසයේ පළමුවරට වැඩිම කාන්තා නියෝජනයක් මෙවර පාර්ලිමේන්තුව නියෝජනය කරන බවයි.
රට තුළ කාන්තාවන්ට නිදහසේ ගමන් කිරීමට ආරක්ෂාවක් තිබිය යුතු බවත්, එම විශ්වාසය ඇති කිරීමට ජාතික ජන බලවේග ආණ්ඩුව කටයුතු කරන බවත් සඳහන් කර සිටියා.
එමෙන්ම ජනතාවගේ ආර්ථික තත්ත්වය නඟා සිටුවන්න රජය කටයුතු කරමින් යන බව සඳහන් කළ ඇය ඒ වෙනුවෙන් ව්යවසායකයින් රට පුරා බිහි කිරීමට කටයුතු කරන බවත් මෙහිදී පැවසුවා.
ඔබේ ප්රතිචාරය කුමක්ද ?
+1
+1
+1
+1
+1
+1
+1
