අමාත්ය ජිවන් තොණ්ඩමන් සහ එම පක්ෂයේ ජ්යේෂ්ඨ නායකයින් තිදෙනෙක් නුවරඑළිය මහේස්ත්රාත් අධිකරණයට මෝසමක් මගින් ඉදිරිපත් වී තිබෙනවා.
අප ප්රාදේශීය වාර්තාකරු පැවසුවේ; ලංකා කම්කරු කොංග්රසයේ මහලේකම් සහ ජල සම්පාදන හා වතු යටිතල පහසුකම්
අමාත්ය ජීවන් තොණ්ඩමන් සහ එම පක්ෂයේ ජ්යේෂ්ඨ නායකයින් තිදෙනෙක් අද (29) දින මෙලෙස අධිකරණයට ඉදිරිපත් වූ බවට නුවරඑළිය මූලස්ථාන පොලිසිය සඳහන් කළ බවයි.
ඊට හේතුව වූයේ මැයි මස 30 වැනි දින ජීවන් තොණ්ඩමන් සහ ඔහුගේ පක්ෂ සාමාජිකයින් එක්ව නුවරඑළිය පිඩෘ වතු යායට අයත් තේ කර්මාන්ත ශාලාව වෙත ගොස් එම වතු සමාගමේ ප්රධාන විධායක නිලධාරිවරයා ඇතුළු කාර්යය මණ්ඩලය පැය කිහිපයක් අමාත්යවරයාගේ භාරයේ බලහත්කාරයෙන් රඳවා ගත් බවට එල්ල වූ චෝදනාවකටයි.
එම වතු සමාගම වෙනුවෙන් පෙනී සිටි නීතිඥයින් සැකකරුවන්ගේ නම් අධිකරණය වෙත ඉදිරිපත් කරමින් කියා සිටියේ සැකකරුවන් අත්අඩංගුවට ගැනීමට පොලිසිය ක්රියා නොකරන බවත්, මෙම තත්ත්වය මත වහාම සැකකරුවන් අත්අඩංගුවට ගෙන අධිකරණය වෙත ඉදිරිපත් කිරිමට නියෝගයක් නිකුත් කරන ලෙසයි.
ඒ අනුව ලංකා කම්කරු කොංග්රසයේ මහ ලේකම් සහ ජල සම්පාදන හා වතු යටිතල පහසුකම් අමාත්ය ජීවන් තොණ්ඩමන්, එම පක්ෂයේ ජාතික සංවිධායක එස්.සත්යවේල්, එම පක්ෂයේ ජ්යේෂ්ඨ සාමාජික ලෝගදාස් සහ නුවරඑළිය ප්රාදේශීය සභාවේ හිටපු සභාපති යෝගනාදන් යන පිරිස අධිකරණය වෙත අද ඉදිරිපත් වූයේ.
සැකකරුවන් අධිකරණය වෙත ඉදිරිපත් වු අවස්ථාවේ නුවරඑළිය මහේස්ත්රාත් විනිසුරු ප්රබුද්ධිකා ලංකාන්දි අධිකරණය හමුවේ පවසා ඇත්තේ පොලිසිය මගින් සැකකරුවන් කිසිවෙකු නම් කර නොමැති නිසා මෙම නඩුව ලබන මස (26) දින කැදවන
බවයි.
