ආරක්‍ෂක මාණ්ඩලික ප්‍රධානී, ජෙනරාල් ශවේන්ද සිල්වා, නාවික හමුදාධිපති අද්මිරාල් ප්‍රියන්ත පෙරේරාගේ ආරාධනයෙන් අද (30) නාවික හමුදා මූලස්ථානයේ නිරීක්‍ෂණ සංචාරයක නිරත වුණා.
නාවික හමුදා මූලස්ථානය වෙත පිවිසි ආරක්‍ෂක මාණ්ඩලික ප්‍රධානී, නාවික හමුදා මුලස්ථානය වෙත උණුසුම් අයුරින් පිළිගැනීමෙන් අනතුරුව, හමුදාමය සම්ප්‍රදායන්ට අනුකූලව විශේෂ සම්මාන මුරයක් මගින් ආරක්‍ෂක මාණ්ඩලික ප්‍රධානී වෙත උත්තමාචාර පිරිනැමීම සිදු කෙරුණු බවයි නාවික හමුදා මාධ්‍ය අංශය නිවේදනය කළේ.
නාවික හමුදාධිපති අද්මිරාල් ප්‍රියන්ත පෙරේරා විසින් නාවික හමුදා මාණ්ඩලික ප්‍රධානි ඇතුළු නාවික හමුදා කළමනාකරණ මණ්ඩලය ආරක්‍ෂක මාණ්ඩලික ප්‍රධානී වෙත හඳුන්වාදීම ද මෙහිදී සිදු කරනු ලැබුවා.
මෙම සංචාරයේ දී නාවික හමුදාධිපති සහ ආරක්‍ෂක මාණ්ඩලික ප්‍රධානී අතර පැවති සුහද පිළිසඳරකින් පසු, එම අවස්ථාව සනිටුහන් කරමින් දෙපාර්ශ්වය අතර සමරු තිළිණ හුවමාරුවක් ද සිදු කෙරුණා.
