අලුත් අවුරුද්ද පිළිගැනීම සඳහා මේ වනවිට රටම සූදානම් වෙමින් සිටිනවා. පුණ්ය කාලය උදාවට තවත් ඉතිරිව ඇත්තේ, පැයක පමණ කාලයක්.
අද පෙරවරු 8.35ට පුණ්ය කාලය උදාවන අතර එය ගෙවී යන්නේ රාත්රි 9.23 ටයි.
සිංහල දෙමළ අලුත් අවුරුද්ද උදා වන්නේ, අද (14) පස්වරු 2.59 ටයි.
පෙරවරු 8.35ට පෙර සියලු වැඩ අත්හැර ආගමික වතාවත්වල යෙදීම යහපත් බව ජ්යෝතිෂයේ සඳහන්.
ආහාර පිසීමේ නැකත යෙදී ඇත්තේ අද පස්වරු 3.29 ටයි.
විචිත්ර වර්ණ වස්ත්රාභරණයෙන් සැරසී දකුණු දිශාව බලා ලිප් බැඳ ගිනි මොළවා දීකිරී මිශ්ර කිරිබතක් ද තල හා විළද මිශ්ර කැවිලි වර්ගයක් ද පිළියෙල කිරීම යහපත් බව, ජෝතිෂයේ දැක්වෙනවා.
වැඩ ඇල්ලීම, ගනු දෙනු කිරිම හා ආහාර අනුභව කිරීමේ නැකත යෙදී ඇත්තේ, අද පස්වරු 5.05ටයි.
විචිත්ර වර්ණ වස්ත්රාභරණයෙන් සැරසී දකුණු දිශාව බලා සියලු වැඩ අල්ලා ගනුදෙනු කර ආහාර අනුභව කළ යුතු බව, නැකැත් පත්රයේ සඳහන්.
මෙවර අලුත් අවුරුදු නැකැත් සීට්ටුවේ එන ප්රධාන නැකැත් සියල්ල අදට යෙදී තිබීම විශේෂත්වයක්.
බොහෝ විට වෙනත් වසරවල අප්රේල් 13 වනදාට යෙදෙන පුණ්ය කාලය ද මෙවර යෙදී ඇත්තේ අද දිනටයි.
ඒ අනුව වැඩ අතහැරීම හා වැඩ ඇල්ලීම එකම දිනකට යෙදී ඇති මෙවර අවුරුද්ද විශේෂත්වයක් ගන්නවා.
හිසතෙල් ගෑමේ නැකත ලබන 16 වැනිදා පෙරවරු 9.41 ට යෙදී තිබෙනවා.
රතු හා කහ මිශ්ර වස්ත්රාභරණයෙන් සැරසී දකුණු දිශාව බලා හිසට ඉඹුල් පත්ද පයට නුග පත්ද ඉඹුල් පත් යුෂ මිශ්ර නානු හා තෙල් ගා ස්නානය කිරීම යහපත් බවටයි ජ්යෝතිෂයේ දැක්වෙන්නේ.
රැකී රක්ෂා සඳහා පිටත්ව යාමේ නැකත, ලබන 17 වැනි සඳුදා උදෑසන 6.28 ට යෙදී ඇති අතර ජ්යෝතිෂයේ සඳහන් වන්නේ, සුදු පැහැ වස්ත්රාභරණයෙන් සැරසී දී කිරි මිශ්ර කිරිබතක් හා කැවිලි වර්ගයක් අනුභව කර දකුණු දිශාව ලබා රැකී රක්ෂා සඳහා පිටත්ව යාම යහපත් වන බවයි.
