අයිස් හදන කෙමිකල් හමු වූ මිද්දෙණියේ ඉඩමේ පිහිටි නිවස ඇතුළෙන් තවත් බඩු ගොඩක් සොයාගැනේ

අයිස් මත්ද්‍රව්‍ය සැකසීමට යොදාගන්නා රසායනික ද්‍රව්‍ය තොගය සොයාගත් මිද්දෙණිය, කන්තෝරුවත්ත ප්‍රදේශයේ ඉඩමේ පිහිටි නිවස ආරක්ෂක අංශ විසින් පරීක්ෂාකර තිබෙනවා.

පොලිස් විශේෂ කාර්ය බලකායේ නිලධරීන් කණ්ඩායමක් විසින් එම නිවස ඊයේ (08) පරීක්ෂාවට ලක්කර ඇති බවයි පොලිසිය සඳහන් කළේ.

එහිදී නිවස තුළ තිබී පොලිස් ලාංඡන සහිත ටී ෂර්ට් තුනක්, බොටම් 02ක්, පොලිස් නිල ඇඳුම් මැසීමට ගන්නා රෙද්දක්, බැටන් පොලු 02ක්, හම් ඉනපටි 02ක්, කැලෑ ඉනපටි 04ක්, ටී 56 ගිනි අවියට යොදාගන්න අවිපටි 01ක්, බැටන් පොලු රඳවනයක්. ඩ්‍රවුන් ෂිට් 03ක්, බෝර 12 ගිනි අවියක බැරලයක කොටසක්, මෙරට නිෂ්පාදිත T56 උණ්ඩ යෙදිය හැකි ගිනි අවියක්, බෝර 12 ගිනි අවියක ක්‍රියාකාරී කොටසක් සහ එහි බැරලයක් සොයාගෙන තිබෙනවා.

ඊට අමතරව එම භුමියේ සඟවා තිබූ යතුරුපැදියක අංක තහඩු යුගලයක් සහ මෝටර් රථයක අංක තහඩු යුගලයක් සොයාගත් බවයි පොලිසිය සඳහන් කළේ.

ඒ, සමඟ එම නිවසේ සිටි වයස අවුරුදු 82ක පුද්ගලයෙක් ද අත්අඩංගුවට ගෙන තිබෙනවා.

අත්අඩංගුවට ගැනුණු සැකකරු අද (09) වලස්මුල්ල මහේස්ත්‍රාත් අධිකරණ වෙත ඉදිරිපත් කිරීමට නියමිතයි.