පසුගිය දා බලපෑ අයහපත් කාලගුණ තත්ත්වයත් සමඟ පීඩාවට පත් වූ ජනතාව අතරේ බෙදාදීම සඳහා ජපාන රජය මඟින් රුපියල් මිලියන 300 ක් වටිනා ආධාර තොගයක් මෙරටට පිරිනමා තිබෙනවා.
එම ආධාර තොගය භාරදීම ඊයේ (07) කටුනායක ගුවන් තොටුපොළ ගුවන් භාණ්ඩ පර්යන්තයේ දී සිදු කෙරුණා.
මෙලෙස පිරිනමා ඇති ආධාර අතර කූඩාරම් 230ක් , මෙට්ට 1,300ක් ඇතුළු භාණ්ඩ රැසක් වනවා.
මෙම ආධාර තොගය ගංවතුරින් විපතට පත් දිස්ත්‍රික්ක 13ක ජනතාව අතර, දිස්ත්‍රික් ලේකම්වරුන්ගේ සහ දිස්ත්‍රික්කවල ආපදා කළමනාකරණ මධ්‍යස්ථාන නිලධාරීන්ගේ මැදිහත් වීමෙන් බෙදාහැරීමට නියමිතයි.
ජපානයේ සිට විශේෂ භාණ්ඩ ප්‍රවාහන ගුවන් යානකින් කටුනායක ගුවන් තොටුපොළ වෙත රැගෙන විත් තිබූ මෙම ආධාර තොගය භාරදීමේ අවස්ථාවට ආරක්ෂක අමාත්‍යාංශයේ ලේකම් එයාර් වයිස් මාර්ෂල් (විශ්‍රාමික ) සම්පත් තුයියකොත්තා, ආපදා කළමනාකරණ මධ්‍යස්ථානයේ අධ්‍යක්ෂ ජනරාල් විශ්‍රාමික මේජර් ජනරාල් උදය හේරත්, ශ්‍රී ලංකාවේ ජපාන තානාපති අකියෝ ඉසමටා සහ ජයිකා ආයතනයේ ශ්‍රී ලංකා නියෝජිත ටෙට්සුයා යමාඩා ඇතුළු පිරිසක් එක්ව සිටියා.
