සංචාරක ඉන්දීය කණ්ඩායම සහ අයර්ලන්තය අතර තරග දෙකකින් සමන්විත විස්සයි විස්ස තරගාවලියේ පළමු තරගයෙන් ලකුණු 34ක පරාජයක් ලබන්නට විස්සයි විස්ස පිටියේ වත්මන් ලෝක ශුරයින් වන ඉන්දීය කණ්ඩායමට සිදුවුණා.
මෙලෙස ඉන්දීය කණ්ඩායමක් අයර්ලන්තය හමුවේ ඕනෑම ආකෘතියක් යටතේ ජාත්යන්තර ක්රිකට් පිටියක ලද ප්රථම පරාජය වනුයේ ද මෙයයි.
තරගාවලියේ පළමු තරගය ඊයේ (26) ආරම්භ වුණේ බෙල්ෆාස්ට්හි ස්ටෝමොන්ට් ක්රීඩාංගනයේ දී යි.
තරගයේ පළමුව පන්දුවට පහර දුන් සත්කාරක අයර්ලන්ත කණ්ඩායම නියමිත පන්දුවාර 20 අවසානයේ කඩුලු 09ක් දැවී ලකුණු 182ක් රැස්කර ගනු ලැබුවා.
කෙසේ වෙතත් පිළිතුරු ඉනිම සඳහා පිටියට පිවිසි ඉන්දීය කණ්ඩායමට පංදුවෑඅ 18යි පන්දු 05කට පමණක් මුහුණදෙමින් සියලු දෙනා දැවී ගොස් රැස්කර ගැනීමට හැකි වුණේ ලකුණු 148ක් පමණයි.
ඒ අනුව ඉන්දීය කණ්ඩායම මෙම තරගයෙන් ලකුණු 34ක පරාජයක් ලැබුවා.
ශ්රෙයාස් අයියර් විසින් ඉන්දීය කණ්ඩායමේ නායකත්වය දරනු ලැබූ අතර, ඔහු කණ්ඩායමේ නායකත්වය හිමිවීමෙන් පසු සහභාගී වූ පළමු තරගය ද මෙයයි.
කෙසේ වෙතත් තරගයෙන් පසුව අදහස් දක්වමින් ශ්රෙයාස් අයියර් කියා සිටියේ, මෙය විශිෂ්ට අත්දැකීමක් බවත් නායකයෙකු ලෙස විශිෂ්ට ආරම්භයක් ද බවයි.
