ආණ්ඩු බලය ලැබුණහොත් ශ්‍රී ලංකාව ඇද වැටී ඇති ආගාධයෙන් ගොඩ ගැනීමට සමගි ජනබලවේගයට හැකියාව පවතින බව පාර්ලිමේන්තු මන්ත්‍රී එරාන් වික්‍රමරත්න මහතා අවධාරණය කරනවා.
නිවැරැදිව රටක් සංවර්ධනය කිරීමටනම් ප්‍රථමයෙන්ම සිදුකල යුත්තේ ජාත්‍යන්තර විශ්වාසය දිනා ගැනීම බවයි ඔහු අවධාරණය කරන්නේ.
ජාත්‍යන්තරයෙන් රට මේ වන විට තිබෙන තැන ගැන විවිධ මත පල කළ ද පාළකයන් එය ගනන් නොගෙන හිතු මනාපයට රට පාළනය කළ නොහැකි බව ද ඔහු මෙහිදි ප්‍රකාශ කර සිටියා.ආර්ථික ශේණිගත කිරීමේ ආයතන විසින් රට අසමත් කර ඇති බවත් ,මෙය ක්‍රිකට් තරගයක පිතිකරු දැවී ඇති බව පිටියේ විනිසුරු දෙවැනි විනිසුරු සහ තෙවැනි විනිසුරු යන තිදෙනාම තීරණය කර ඇති විටත් පිතිකරු ඉවත් නොවී දිගින් දිගටම ක්‍රීඩා කිරීම හා සමාන සිදුවීමක් බවත් ඔහු මෙහිදී කියා සිටියා.
අද පෙරවරුවේ විපක්ෂ නායක කාර්යාලයේ පැවති මාධ්‍ය හමුවට එක්වෙමින් පාර්ලිමේන්තු මන්ත්‍රී එරාන් වික්‍රමරත්න මහතා ඒ සම්බන්ධයෙන් මෙලෙස අදහස් පළකලා.
