අපරාධ පරීක්ෂණ සහ අපරාධ හඳුනා ගැනීම සීයයට 50 – 60 කින් ඉහළ ගොස් ඇති බව පොලිස්පති නීතිඥ ප්රියන්ත වීරසූරිය පවසනවා.
පොල්පිටිය පොලිස් ස්ථානය විවෘත කිරීමේ අවස්ථාවට ඊයේ (06) සහභාගී වෙමින් පොලිස්පතිවරයා මේ බව සඳහන් කළා.
මේ අතර පසුගිය වසරේ සිදුකරන ලද වැටලීම්වල දී වැඩිම අවි ආයුධ සංඛ්යාවක් අත්අඩංගුවට ගෙන ඇති බවත්, එය 2024 දී වාර්තා වූ ප්රමාණය මෙන් දෙගුණයක් බව පොලිස්පතිවරයා තවදුරටත් පැවසුවා.
එමෙන්ම 2025 වසරේ දී සිදුකරන ලද මත්ද්රව්ය වැටලීම් 2024 වසරේ දී සිදු කරන ලද වැටලීම්වලට සාපේක්ෂව තුන් ගුණයකින් වැඩි බව ද ඔහු වැඩිදුරටත් සඳහන් කළා.
පොලිස් නිලධාරීන් සංඛ්යාව අවම මට්ටමක පවතින අවස්ථාවක මෙම වැටලීම් සහ විමර්ශන සිදුකර පොලිසියේ කාර්ය සාධනය ඉහළ දැමීමට මෙලෙස කටයුතු කර ඇති බවයි පොලිස්පති නීතිඥ ප්රියන්ත වීරසූරිය සඳහන් කර සිටියේ.
