අනුරාධපුර ශික්ෂණ රෝහලේ කාර්ය මණ්ඩලය සඳහා නිසි ආරක්ෂාව සහ පහසුකම් සැපයීම පිළිබඳ විමර්ශනය කර වාර්තාවක් සැපයීමට සෞඛ්ය හා ජනමාධ්ය අමාත්යංශයේ ලේකම් වෛද්ය අනිල් ජාසිංහ විසින් ත්රිපුද්ගල කමිටුවක් පත් කර තිබෙනවා.
එම කමිටුවේ සභාපති ලෙස වයඹ පළාත් සෞඛ්ය සේවා අධ්යක්ෂ විශේෂඥ වෛද්ය එම්.කේ.සම්පත් ඉන්දික කුමාර පත් කර ඇති අතර, සෙසු සාමාජිකයන් ලෙස සෞඛ්ය අමාත්යංශයේ (පාලන) ඩබ්.යු.කේ.කෘෘස් සහ සෞඛ්ය අමාත්යංශයේ විමර්ශන නිලධාරී ඕ.බී.ජේ ද සිල්වා පත් කර ඇති බවයි සෞඛ්ය හා ජනමාධ්ය අමාත්යංශය නිවේදනය කළේ.
පසුගිය මාර්තු 10 වන දින අනුරාධපුර ශික්ෂණ රෝහලේ දී වෛද්යවරියෙකුට සිදු වූ සිද්ධිය සම්බන්ධයෙන් මේ දක්වා සිදුකර ඇති නිරීක්ෂණයන්ට අනුව එම රෝහලේ සැලකිය යුතු පරිපාලන ඌනතා පසුගිය වසර කිහිපයක් පුරා හඳුනාගැනීමට හැකිව තිබෙනවා.
එමෙන්ම රෝහල් කාර්ය මණ්ඩලයට ආරක්ෂාව සහ පහසුකම් සැපයීම, රෝහලෙහි ස්ථාවර හා ජංගම වත්කම් සම්බන්ධව නිසි කළමනාකරණයක් දක්නට නොමැති වීම ආදී හේතු නිසා මෙම තත්ත්වයන් උද්ගත වී ඇති බවට වාර්තා වන බැවින් මේ සම්බන්ධව විමර්ශනයක් කර වාර්තාවක් සැපයීම සඳහා ඉහත කමිටුව පත් කර ඇති බව සඳහන්.
ඒ, අනුව අවශ්ය පරීක්ෂණ කටයුතු සිදුකර ඒ සම්බන්ධයෙන් වන සවිස්තර වාර්තාවක් කමිටුවේ නිරීක්ෂණ හා නිර්දේශයන් ද ඇතුළත්ව 2025 මාර්තු 24 දිනට පෙර අමාත්යංශයේ ලේකම්වරයා වෙත ලබාදීමට කටයුතු කරන ලෙසයි පත්කළ විමර්ශන කමිටුවට දන්වා ඇත්තේ.
