ගල්ගමුව පොලිස් වසමේ මීඔය ආසන්නයේ දී පාදෙණිය දෙස සිට අනුරාධපුරය දෙසට ගමන් කළ වෑන් රථයක් අනතුරට ලක්වීමෙන් පුද්ගලයෙක් මියගොස් තවත් පිරිසක් තුවාල ලබා තිබෙනවා.
අද (26) අලුයම් කාලයේ මෙලෙස අනතුරට ලක්ව ඇත්තේ අනුරාධපුර වන්දනා ගමනක් යමින් සිටි පිරිසක් රැගත් වෑන් රථයක්.
අඟුණකොළපැලැස්ස ප්‍රදේශයේ පදිංචි පිරිසක් මෙම අනතුරට මුහුණ පා ඇති අතර, අනතුර සිදු වූ අවස්ථාවේ දී වෑන් රථයේ 15 දෙනෙකු පමණ සිට තිබෙනවා.
වෑන් රථයේ රියදුරුට නින්දයාම හේතුවෙන් මීඔය පාලමේ ගැටී මාර්ගයෙන් ඉවතට පැන ගසක ගැටීමෙන් මෙම අනතුර සිදුව ඇති බවයි පොලිසිය පැවසුවේ.
අනතුර සිදු වූ ස්ථානයේදීම එක අයෙක් මියගොස් ඇති අතර, තවත් 13 දෙනෙකු ගල්ගමුව රෝහලට ඇතුළත් කර තිබෙනවා.
ඉන් 07 දෙනෙක් වැඩිදුර ප්‍රතිකාර සඳහා අනුරාධපුර රෝහලට ඇතුළත් කර ඇති අතර, මියගොස් ඇත්තේ 69 හැවිරිදි වියේ පසු වූ අයෙක්.
අනතුර සම්බන්ධයෙන් ගල්ගමුව පොලිසිය වැඩිදුර පරීක්ෂණ පවත්වනවා.
