චීනයේ ඩොලර් බිලියන ගණනක් වැය කර ඉදිකළ ගුවන් තොටුපළවල්, රැකියා විරහිත හා නිවාස නොමැති අයට නිහඬව “නොමිලේ හෝටල්” බවට පත් වී ඇති බව වාර්තා වනවා.
යුවාන් බිලියන 80ක් පමණ වැය කර ඉදිකළ බෙයිජිං ඩැක්සිං ජාත්යන්තර ගුවන්තොටුපළ ඉන් ප්රධානයි.
සෑම රාත්රියකම, අඳුර වැටෙන විට, විවිධ පුද්ගලයින් සමූහයක් පර්යන්තයට ගලා එන බව මාධ්ය වාර්තා කරනවා.
සමහරු සිනිඳු සෝෆා මත ගුලි වෙද්දී, තවත් අය හාන්සි පුටු මත වැතිරෙන බවත් තවත් සමහරු තමන්ගේම ඇතිරිලි පවා ගෙනැවිත් ගුවන් තොටුපළ තාවකාලික නිවසක් බවට පත් කර ගන්නා බවයි මාධ්ය වාර්තා කරන්නේ.
මෙම පුද්ගලයින් අතරට හෝටල් ලබාගත නොහැකි තරුණ රැකියා සොයන්නන්, උපාධි පාසල් හෝ සිවිල් සේවා විභාග සඳහා සූදානම් වන සිසුන් සහ නගරයේ ඔවුන්ගේ අරගලවලින් විරාමයක් ගන්නා සංක්රමණික කම්කරුවන් ඇතුළත්.
ගුවන් තොටුපළ කාර්ය මණ්ඩලයෙන් ද මෙම පුද්ගලයින්ට බාධාවක් නොවන බව ප්රවෘත්ති වාර්තාවේ සඳහන්.
මාධ්ය වාර්තා කරන අන්දමට මෙම දර්ශනය ඩැක්සිං ගුවන්තොටුපළට හෝ බීජිං කැපිටල් ජාත්යන්තර ගුවන්තොටුපළට අනන්ය වූවක් නොවෙයි.
ගුවැන්ෂු සිට චෙංඩු දක්වා, චීනය පුරා ඇති ප්රධාන නගරවල ගුවන් තොටුපොළ කම්කරුවන් සඳහා රාත්රී නවාතැන් බවට පරිවර්තනය වෙමින් පවතිනවා.
