අධිවේගී මාර්ගවල ආසන පටි නීතිය ජුනි 19 සිට තදට

අධිවේගී මාර්ගවල ආසන පටි පැළඳ නොසිට ගමන් කරන රියදුරන්ට සහ මගීන්ට එරෙහිව නීතිමය පියවර ගන්නා බව මාර්ග ආරක්ෂාව පිළිබඳ ජාතික සභාව දැනුම් දෙනවා.

එම සභාව පවසන්නේ වාහන හිමියන්ට වාහනවල පසුපස ආසන සඳහා ආසන පටි සවි කිරීම සඳහා ලබා දී ඇති කාලය ජුනි 19 වන දිනෙන් අවසන් වන බවයි.

ජුනි 19 වන දින අවසන් වීමෙන් පසු මෙම නියාමනය බලාත්මක කිරීම ශක්තිමත් කරන බවයි එම සභාව වැඩිදුරටත් පැවසුවේ.

මාර්ග ආරක්ෂාව වැඩි දියුණු කිරීම සඳහා අඛණ්ඩව දරණ උත්සාහයන්හි කොටසක් ලෙස මෙම නීති උල්ලංඝනය කිරීම්වලට එරෙහිව දැඩි පියවර ගන්නා බවයි මාර්ග ආරක්ෂාව පිළිබඳ ජාතික සභාව සඳහන් කළේ.