කළුතර බන්ධනාගාරය මගින් අධිකරණයට ඉදිරිපත් කර නැවත රැගෙන ආ රැඳවියෙකු පරීක්ෂා කිරීමේදී ඔහුගේ ගුද මාර්ගයේ තිබී දුම්කොල සහ මත් පෙති සොයාගැනීමට බන්ධනාගාර නිලධාරීන් සමත්වී තිබෙනවා.
මත් ද්රව්ය නඩුවක් සම්බන්ධයෙන් චෝදනා එල්ලවී කළුතර මල්වත්ත බන්ධනාගාරයේ රඳවා සිටින මෙම රැඳවියා පරීක්ෂාවට ලක්කිරීමේදී දුම් කොළ පහක්, මානසික රෝගීන්ට ලබාදෙන ඖෂධ පෙති 22ක් සහ කරල් 7ක් හමුවී ඇති බවයි අප වාර්තාකරු සඳහන් කළේ.
සැකකරු අද කළුතර මහේස්ත්රාත් අධිකරණයේ පැවති නඩුවකට රැගෙන ගිය අවස්ථාවේ දී කිසියම් ද්රව්යයක් රහසිගතව සඟවාගෙන ඇති බවට ඔහු භාරව ගිය බන්ධනාගාර නිලධාරියාට ඇති වූ සැකයක් මත මෙම විශේෂ පරීක්ෂාව සිදු කර තිබෙනවා.
අධිකරණ එහි සිර මැදිරියේ රඳවා සිටියදී කිසියම් පුද්ගලයකුගෙන් මෙම ද්රව්ය ලබාගෙන ඇති බවටයි පරීක්ෂණවලදී හෙළිවී ඇත්තේ.
සැකකරු සම්බන්ධයෙන් කළුතර උතුර පොලිස් ස්ථානයට පැමිණිලි කර නීතිමය ක්රියාමාර්ග ගැනීමට කටයුතු කරන බව සඳහන්.
