අධ්යාපන, උසස් අධ්යාපන සහ වෘත්තීය අධ්යාපන කටයුතු පිළිබඳ අමාත්යාංශයීය උපදේශක කාරක සභාව, ගරු අග්රාමාත්ය සහ අධ්යාපන, උසස් අධ්යාපන සහ වෘත්තීය අධ්යාපන අමාත්ය ආචාර්ය හරිනි අමරසූරියගේ සභාපතිත්වයෙන් පසුගියදා පාර්ලිමේන්තුවේදී රැස් වූ අවස්ථාවේදී අධ්යාපන ක්ෂේත්රයට අදාළව දැනට පවතින ගැටලු රැසක් පාර්ලිමේන්තු මන්ත්රීවරු ඉදිරිපත් කළා.
ඒ අනුව ප්රාථමික පාසැල් ඉදිකිරීම්වලදී ප්රමිතියකට අනුව පොදු සැලැස්මක් හා ආකෘතියක් හඳුන්වාදීමේ අවශ්යතාව, උපකෘත පාසැල්වල පරිපාලනය සම්බන්ධ ගැටලු, ගුරු මාරු සම්බන්ධ ගැටලු, එක් එක් පළාත් මට්ටමින් පාසැල්වල සිදු වන ඉදිකිරීම්වල ප්රගතිය, වෘත්තීය අධ්යාපන ක්ෂේත්රයේ ගැටලු සහ ඉදිරි සැලසුම් ඇතුළු කරුණු රැසක් කාරක සභාවේදී සාකච්ඡා වුණා.
එම කරුණු සම්බන්ධයෙන් අග්රාමාත්යවරිය විසින් නිලධාරීන්ගෙන් කරුණු විමසීමෙන් අනතුරුව අවශ්ය පියවර කඩිනමින් ගැනීම සඳහා අවශ්ය උපදෙස් ලබා දෙනු ලැබුවා.
ඊට අමතරව, මෙම අමාත්යාංශයීය උපදේශක කාරක සභාව යටතේ ස්ථාපිත කර ඇති අනුකාරක සභාවල
ප්රගතිය පිළිබඳව ද කාරක සභාව විසින් විමසා සිටියා.
අධ්යාපන හා උසස් අධ්යාපන නියෝජ්ය අමාත්ය වෛද්ය මධුර සෙනෙවිරත්න, වෘත්තීය අධ්යාපන නියෝජ්ය අමාත්ය නලින් හේවගේ ද, පාර්ලිමේන්තු මන්ත්රීවරු පිරිසක් ද අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයේ ලේකම් නාලක කළුවැව ඇතුළු නිලධාරීන් පිරිසක්ද මෙම කාරක සභා රැස්වීමට සහභාගී වී සිටියා.
