හදිසි විදුලි බිඳවැටීමක් ඇතිවීම වළක්වා ගනිමින් පද්ධතියේ ස්ථායීතාව පවත්වාගෙන යාම සඳහා අද (31) දිනයේ ද වහළ මත සවිකර ඇති සූර්ය පැනල ක්රියාවිරහිත කරන ලෙස සූර්ය පැනල පද්ධති හිමි විදුලි පාරිභෝගිකයින්ගෙන් ජාතික පද්ධති ක්රියාකරු පුද්ගලික සමාගම ඉල්ලීමක් කරනවා.
ඒ, අනුව එම සමාගම දැනුම් දෙන්නේ අද (31) පෙරවරු 8.00 සිට පස්වරු 3.00 දක්වා එම සූර්ය පැනල ක්රියාවිරහිත කරන ලෙසයි.
ජාතික විදුලිබල පද්ධතියේ ඇති වූ අසමතුලිතතාවක් හේතුවෙන් ඊයේ (30) දිනයේ දිවයිනේ ප්රදේශ රැසක පැය කිහිපයක් විදුලි සැපයුම විසන්ධි කිරීමට සිදු වුණා.
වෙසක් පොහොය සහ දීර්ඝ සති අන්තය හේතුවෙන් ජාතික විදුලිබල පද්ධතියේ විදුලි ඉල්ලුම පුරෝකතනය කළ කාලසීමාවට වඩා ශීඝ්රයෙන් පහළ යාම හා සූර්ය පැනල මගින් ජනනය කරන විදුලිය ප්රමාණය ඉහළ අගයක් ගැනීම හේතුවෙන් මෙලෙස ඊයේ (30) දිනයේ ජාතික පද්ධතියේ අසමතුලිතතාවක් හටගත්තා.
