පේදුරුතුඩුව සහ කාර්ට්කෝවලම් ප්රදේශවලින් ධීවර කටයුතු සඳහා මුහුදු ගිය ධීවරයින් 4 දෙනෙකු අතුරුදහන් වී ඇති බව පොලිසිය පවසනවා.
පසුගිය 27 වන දින රාත්රී 11 ට පමණ බෝට්ටු දෙකකින් මුහුදු ගිය ධීවරයින් තවමත් වෙරළට පැමිණ නොමැති බවයි වාර්තා වන්නේ.
ප්රදේශයේ ඇති වූ තද සුළං හේතුවෙන් ඔවුන් ගමන් කළ බෝට්ටු නැවත වෙරළට පැමිණීමට නොහැකි වන්නට ඇති බවට සැක කෙරනවා.
මෙම තත්ත්වය සම්බන්ධයෙන් ධීවර, ජලජ හා සාගර සම්පත් අමාත්ය රාමලිංගම් චන්ද්රසේකර්ගේ අවධානයට යොමුව ඇති අතර, අමාත්යවරයා වහාම ආපදා කළමනාකරණ අමාත්යාංශයේ නියෝජ්ය අධ්යක්ෂ ජනරාල්වරයා අමතා සෝදිසි මෙහෙයුම් කඩිනම් කිරීම සඳහා හදිසි උපදෙස් ලබා දී තිබෙනවා.
ඊට අමතරව, අද (29) උදෑසන ගුවන් හමුදාවේ සහාය ඇතිව සෝදිසි මෙහෙයුම් ද සිදු කරනු ලැබුවා.
තවද, අතුරුදහන් වූ ධීවරයින් පිළිබඳ තොරතුරු අසල්වැසි රටවල සමුද්ර ආරක්ෂක ඒකක වෙත යවා ඇති අතර, ජාත්යන්තර මට්ටමින් සෝදිසි මෙහෙයුම් සම්බන්ධීකරණය කරමින් පවතින බවයි වාර්තා වන්නේ.
