සති දෙකකට ආසන්න කාලයක් අතුරුදහන්ව ධීවරයන් දෙදෙනෙකුගෙන් එක් අයෙකු ඇමරිකා එක්සත් ජනපදයේ බටහිර වෙරළට සැතපුම් 70ක් (කිලෝමීටර් 110 ක්) ඔබ්බෙන් ජීවිතාරක්ෂක යාත්‍රාවක පාවෙමින් සිටියදී සොයාගෙන තිබෙනවා.
එක්සත් ජනපද වෙරළාරක්ෂක බලකාය සෙවීම් අත්හිටුවීමෙන් දිනකට පසුවයි මෙම ධීවරයා හමුවී ඇත්තේ.
ඔහු සොයා ගත් කැනේඩියානු ගලවා ගැනීමේ කණ්ඩායම සඳහන් කර ඇත්තේ මෙම ධීවරයා සති දෙකක පමණ කාලය තුළ ජීවත් වීමට සැමන් මත්ස්‍යයන් අල්ලාගෙන ආහාරයට ගෙන ඇති බවයි.
මෙම ධීවරයා පසුගිය 12 වනදා වොෂින්ටන් ප්‍රාන්තයේ ග්‍රේ වරායෙන් අඩි 43ක යාත්‍රාවකින් ධීවර කටයුතු සඳහා පිටත්ව ගොස් තිබුණා.
බේරාගත් අය හෝ ඔවුන් ඔහු සොයා ගත් ආකාරය ආරක්ෂක නිලධාරීන් ප්‍රකාශ නොකළ නමුත්, සියැටල්හි කිං-ටීවී ආයතනය සඳහන් කර ඇත්තේ ඔවුන් බ්‍රිතාන්‍ය කොලොම්බියාවේ වැන්කුවර් දූපතේ රයන් ප්ලේන්ස් සහ ඔහුගේ මාමා ජෝන් ලෙස හඳුනා ගත් බවයි.
දින 13ක් ජීවිතාරක්ෂක යාත්‍රාවේ තනිව සිටි බවත්, කෑම නැතිවීමෙන් පසු සැමන් මත්ස්‍යයෙකු අල්ලා ගත් බවත් එම පුද්ගලයා පැවසූ බව සඳහන්.
මෙම පුද්ගලයා ස්ථාවර තත්ත්වයේ සිටින බව පෙනෙන්නට ඇති අතර, කැනේඩියානු වෙරළාරක්ෂක බලකාය සහ තවත් කැනේඩියානු ගලවා ගැනීමේ ආයතනයක් විසින් ඔහු නැවත ගොඩබිමට රැගෙන විත් තිබෙනවා.
විදෙස් වාර්තාවලට අනුව, එම පුද්ගලයා වැඩිදුර ප්‍රතිකාර සඳහා බ්‍රිතාන්‍ය කොලොම්බියාවේ ටොෆිනෝ හි රෝහලකට ගෙන ගොස් ඇති බවයි සඳහන් වන්නේ.
මෙම පුද්ගලයා සහ සවස යාත්‍රාවේ සිටි තවත් නාවිකයෙකු ඔක්තෝබර් 15 වන දින ආපසු පැමිණීමට නියමිතව සිටි බව නිලධාරීන් පවසනවා.
පසුගිය බදාදා, වෙරළාරක්ෂක බලකාය පැවසුවේ නව තොරතුරු ලැබෙන තෙක් ඔවුන්ගේ සෙවීම් අත්හිටුවන බවයි. පැය අටකට වැඩි කාලයක් කාර්ය මණ්ඩලය වර්ග සැතපුම් 14,000 කට වැඩි ප්‍රදේශයක සෝදිසි කිරීමෙන් පසුවයි එම තීරණය ගෙන තිබුණේ.
ඔහු සමඟ පිටත්ව ගිය අනෙක් පුද්ගලයා හමු වී නොමැති අතර, වෙරළාරක්ෂක බලකාය පවසන්නේ සිද්ධිය සම්බන්ධයෙන් පරීක්ෂණ සිදු කෙරෙමින් පවතින බවයි.
එම පුද්ගලයා සෙවීම් නැවත ආරම්භ කිරීමට අදහස් කරන්නේද යන්න පැහැදිලි වී නැහැ.
