පෙබරවාරි මාසයේ සිට ජුනි මාසය දක්වා අත්යවශ්ය භාණ්ඩ 27ක මිල ස්ථාවරව තබාගැනීම සඳහා ව්යාපාරිකයින් සමග ගිවිසුමකට එළඹ තිබෙනවා.
ඉදිරි මාස තුනක් සඳහා මෙම ගිවිසුම ක්රියාත්මක වන බවයි මාධ්ය හමුවකට එක්වෙමින් අමාත්ය බන්දුල ගුණවර්ධන කියාසිටියේ.
ඒ අනුව රතු කැකුළු, සුදු කැකුළු, සුදු නාඩු, සම්බා, කීරි සම්බා , තිරුඟු පිටි, සුදු සීනි, දුඹුරු සීනි, තේ කොළ, රතු පරිප්පු, ලොකු ළූණු (ඉන්දියන්), දේශීය අර්තාපල් , කඩල සහ වියලි මිරිස්, මෙලෙස ස්ථාවර මිලක් යටතේ අලෙවි කරන භාණ්ඩවලට අයත් වනවා.
මීට අමතරව දේශීය ටින් මාලු, ආනයනික ටින් මාලු, හාල්මැස්සන් (තායි), සම සහිත කුකුල් මස්, ලුණුකැට, කිරි පිටි, සෝයා තෙල්, රෙදි සෝදන සබන්, සුවඳ සබන්, දෑත් සෝදන දියර, මුඛ ආවරණ යන භාණ්ඩ වර්ග 27 ක මේ ඒ අනුව ස්ථාවර මිලකින් ඉදිරි මාස තුනක් සඳහා පවත්වාගෙන යන බව අමාත්ය බන්දුල ගුණවර්ධන ප්රකාශ කළා.
මෙම ගිවිසුමේ මිල ගණන් වෙනස් කළ හැක්කේ විනිමය අනුපාතය වෙනස් වුවහොත් හෝ මෙම භාණ්ඩ සඳහා රජය බදු අය කළහොත් පමණයි. මෙම භාණ්ඩ අලෙවි කරනු ලබන්නේ ලංකා සතොස, සමුපකාර සහ Q shop මගින් පමණක් බව අමාත්ය බන්දුල ගුණවර්ධන කියාසිටියා.
