අණ නොතකා පලා යමින් සිටි මෝටර් කාර් රථයක් පසු පස හඹා ගිය පොලිස් යතුරු පැදියක් අනතුරට පත් වීමෙන් පොලිස් සැරයන්වරයෙක් තුවාල ලබා ප්රතිකාර සදහා පුත්තලම මූලික රෝහලට ඇතුළත්කර තිබෙනවා.
ඊයේ (05) රාත්රී 08.15 ට පමණ පාලාවිය – කල්පිටිය මාර්ගයේ කරඹ පාලම ආසන්නයේදී මෙම අනතුර සිදුව ඇති බවයි වාර්තා වන්නේ.
අනතුරින් තුවාල ලබා ඇත්තේ පුත්තලම කොට්ඨාස රථ වාහන අංශයට අනියුක්තව සේවය කරමින් සිටි පොලිස් සැරයන් වීරසිංහ නම් අයෙක්.
අනතුරට පත්ව ඇති පොලිස් සැරයන්වරයා පාලාවිය මංසන්ධියට ආසන්නයෙන් රථ වාහන රාජකාරියේ නිරතව සිට ඇති අතර එම අවස්ථාවේදී පාලාවිය දෙස සිට කල්පිටිය දෙසට ධාවනය වූ මෝටර් රථයක් නවත්වන ලෙසට ඔහු අණ කර තිබෙනවා.
නමුත් එම මෝටර් රථය පොලිස් අණ නොතකා පලා ගොස් ඇති බවයි පැවසෙන්නේ.
පලා යමින් තිබූ මෝටර් කාර් රථය අත්අඩංගුවට ගැනීම සදහා ඒ පසුපස හඹා යමින් සිටියදී පොලිස් යතුරු පැදිය කරඹ පාලමේදී අනතුරට පත්ව ඇති බව පොලීසිය පවසනවා.
රෝහල් ගත කර ඇති පොලිස් සැයන්වරයාගේ තත්ත්වය බරපතල නොවන බවයි රෝහල් ආරංචි මාර්ග සදහන් කළේ.
කෙසේ වෙතත් පොලිස් අණ නොතකා පලා ගොස් ඇති මෙම මෝටර් රථය තවමත් අත්අඩංගුවට ගෙන නැහැ.
wpDiscuz
