අග්‍රාමාත්‍ය දිනේෂ් ගුණවර්ධන දින පහක නිල සංචාරයක් සඳහා ඊයේ (24) රාත්‍රියේ චීනය බලා පිටත්ව ගොස් තිබෙනවා.
චීන රජයේ අග්‍රාමාත්‍යවරයාගේ විශේෂ ආරාධනයකට අනුවයි අග්‍රාමාත්‍ය දිනේෂ් ගුණවර්ධන මෙලෙස චීනයේ නිල සංචාරයක් සඳහා එක්වන්නේ.
අග්‍රාමාත්‍යවරයා සමඟ දස දෙනෙකුගෙන් සමන්විත දූත පිරිසක් මෙම නිල සංචාරය සඳහා පිටත්ව ගිය බවයි ගුවන්තොටුපොළ කාර්යය භාර නිලධාරීවරයා සඳහන් කළේ.
මෙම පිරිස ඊයේ (24) රාත්‍රී 08.20ට චයිනා ඊස්ටන් ගුවන් සේවයේ එම්.යූ – 232 දරණ ගුවන් යානයෙන් කටුනායක ගුවන් තොටුපොළ සිට චීනය බලා පිටත්ව ගොස් තිබුණා.
මෙම සංචාරය අතරතුර ශ්‍රී ලංකාවට චීනය විසින් ලබා දී තිබෙන දැනට ගෙවීම් තාවකාලිකව අත්හිහිටුවා ඇති ණය ප්‍රතිව්‍යුහගත කිරීම පිළිබඳ එකගතා ඇති කර ගැනීමට නියමිතයි.
ඔබේ ප්‍රතිචාරය කුමක්ද ?
+1
+1
+1
1
+1
+1
+1
1
+1
1
