සිසු සිසුවියන්ට මත් කරල් විකිණූ උපකාරක පංති ගුරා අත්අඩංගුවට

වෛද්‍යවරයෙකුගේ නිර්දේශයෙන් තොරව තහනම් උත්තේජක ඖෂධ (මත් කරල්) කරල් 1299ක් සන්තකයේ තබාගෙන සිටි පුද්ගලයෙක් පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.

මෙලෙස අත්අඩංගුවට ගැනුණු සැකකරු 4,5,6,7 සහ 8 යන ශ්‍රේණි සඳහා ගණිතය හා විද්‍යාව විෂයන් වලට අදාලව උපකාරක පංති පවත්වනු ලබන ගුරුවරෙක් බවයි හඳුනාගෙන ඇත්තේ.

සැකකරු කළුතර විද්‍යාලයට මීටර් 500ක් පමණ දුරින් පිහිටි නිවසක කුලී පදනම මත බිරිඳ හා දරුවන් දෙදෙනෙකු සමඟ පදිංචිව සිට ඇති බවයි වාර්තා වන්නේ.

පසුගිය දා (19) අත්අඩංගුවට ගැනුණු මෙම පුද්ගලයා මාවනැල්ල ප්‍රදේශයේ ස්ථිර පදිංචිකරුවෙක් වන අතර, මොහු කළුතර විද්‍යාලයේ ළමුන් ඉලක්ක කර ගනිමින් දීර්ඝ කාලයක සිට මෙම මත්කරල් අලෙවි කර ඇති බවයි දැනගන්නට ලැබූ ඇත්තේ.

වැඩිදුර විමර්ශන කටයුතු සඳහා සැකකරු කළුතර දකුණ පොලිස් ස්ථානය වෙත භාර දීමට කටයුතු කර තිබෙනවා.

ඔබේ ප්‍රතිචාරය කුමක්ද ?
පට්ට !
1
අවුල් වගේ !
3
හරි හිනා !
0
හම්මෝ !
8
මාර දුකයි !
5
මලපනිනව !
16
කුජීතයි !
5
spot_img

සතියේ පලවූ මෙවැනිම පුවත්

Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

අපගේ නවතම පුවත්

සතියේ ජනප්‍රියම පුවත්

?