සංවිධානාත්මක අපරාධ වැළැක්වීමේ පනත් කෙටුම්පත යටතේ සැකකරුවකු රඳවා තබාගත හැකි කාලය පැය 72 සිට පැය 48ක් දක්වා සංශෝධනය කරන බව නීතිපතිවරයා ශ්‍රේෂ්ඨාධිකරණයට දන්වා තිබෙනවා.
අදාළ පනත් කෙටුම්පතට එරෙහිව ගොනු කර තිබූ පෙත්සම් ශ්‍රේෂ්ඨාධිකරණයේ දී විභාගයට ගත් අවස්ථාවේදී, නීතිපතිවරයා වෙනුවෙන් පෙනී සිටි අතිරේක සොලිසිටර් ජෙනරාල් විරාජ් දයාරත්න මේ බව අධිකරණයට දැනුම් දෙනු ලැබුවා.
මේ අතර මෙම පනත් කෙටුම්පත් කෙටුම්පතෙහි සඳහන් ‘ටැටු’ සම්බන්ධ පනවා ඇති වගන්ති සහ ‘සංවිධානාත්මක අපරාධ වාර්තාකරණය’ සම්බන්ධයෙන් වන වගන්ති සම්පූර්ණයෙන් ඉවත් කරන බව නීතිපතිවරයා ශ්‍රේෂ්ඨාධිකරණය හමුවේ දැනුම් දුන්නා.
