spot_img
AFC Banner
Empty Ad
Empty Ad

වල් ඌරට තැබූ වෙඩිල්ල වැදුණු පියා ජීවිතක්ෂයට

පිය පුතු දෙපළක් වල් ඌරන් දඩයමේ ගිය අවස්ථාවක පුතා විසින් වල් ඌරෙකුට තැබූ වෙඩිල්ලක් පියාට වැදීමෙන් පියා ජීවිතක්ෂයට පත්වූ පුවතක් වාර්තා වනවා.

දැදිගම, මල්මැස්ස ප්‍රද්ශයේ දී ඊයේ (28) රාත්‍රියේ මෙම සිදුවීම සිදුව ඇති බවයි තොරතුරු වාර්තා වුණේ.

වෙඩි ප්‍රහාරයෙන් මියගොස් ඇත්තේ 43 හැවිරිදි දෙදරු පියෙක් වන අතර, වෙඩි තැබීම සිදුකර ඇත්තේ 17 හැවිරිදි වියේ පසුවන ඔහුගේ පුත්‍රයායි.

මොවුන් දෙදෙනා ඊයේ රාත්‍රියේ දැදිගම – ජයලත් කන්ද ප්‍රදේශයේ වල් ඌරු දඩයමේ ගොස් ඇති අතර, එහිදී පියා විසින් වල් ඌරෙකු කොටුකරගෙන ඉදිරියට පැමිණ තිබෙනවා.

එම අවස්ථාවේ දී පුත්‍රයා විසින් ඌරෙකු යැයි සිතා වෙඩි තබා ඇති අතර, එම වෙඩි ප්‍රහාරය වැදී ඇත්තේ පියාටයි.

වෙඩි වැදුණු එම පුද්ගලයා එම ස්ථානයේ දීම ජීවිතක්ෂයට පත්ව ඇති අතර, සැකකාර පුත්‍රයා පොලිසියට භාරවීමෙන් පසු අත්අඩංගුවට ගෙන තිබෙනවා.

සිද්ධිය සිදු වූ ස්ථානයට අද දහවල් කෑගල්ල මහ රෝහලේ සහකාර අධිකරණ වෛද්‍යවරයා පැමිණ පරීක්ෂණ කටයුතු සිදුකළ බවයි අප වාර්තාකරු පැවසුවේ.

සිද්ධිය සම්බන්ධයෙන් වැඩිදුර පරීක්ෂණ දැදිගම පොලිසිය මඟින් සිදුකරනු ලබනවා.

ඔබේ ප්‍රතිචාරය කුමක්ද ?
+1
1
+1
0
+1
1
+1
1
+1
1
+1
0
+1
2
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?