මුදල් විශුද්ධිකරණය වැළැක්වීමේ පනත යටතේ හිටපු ජනාධිපති මහින්ද රාජපක්ෂ මහතාගේ පුත් යෝෂිත රාජපක්ෂ සහ ඔහුගේ මිත්තණිය වන ඩේසි ෆොරස්ට් යන අයට අදාළ පැමිණිල්ල යළි ජුලි මස 11 වැනිදා කැඳවන ලෙස කොළඹ ප්රධාන මහේස්ත්රාත් අධිකරණය නියෝග කර තිබෙනවා.
දසත අධිකරණ වාර්තාකාරිණිය පැවසුවේ; පැමිණිල්ල අද (16) කැඳවූ අවස්ථාවේ දී සැකකාර යෝෂිත රාජපක්ෂ සහ ඩේසි ෆොර්ස්ට් යන අය අධිකරණයේ පෙනී සිටි බවයි.
එහිදී සැකකරුවන් වෙනුවෙන් පෙනී සිටි ජනාධිපති නීතිඥ සම්පත් මෙන්ඩිස් මහතා අධිකරණය හමුවේ කරුණු දක්වමින් මෙම සිද්ධියට අදාළව විත්තිකරුවන්ට එරෙහිව නීතිපතිවරයා විසින් කොළඹ මහාධිකරණය හමුවේ අධිචෝදනා ගොනුකර තිබෙන බව සඳහන් කළා.
එම කරුණ කෙරෙහි අවධානය යොමු කළ මහේස්ත්රාත්වරයා මෙම පැමිණිල්ල යළි ජුලි මස 11 වැනිදා කැඳවන ලෙස නියෝග කෙරුණා.
එදින මෙම ඉල්ලීම සම්බන්ධයෙන් කරුණ සලකා බලන බව ද එහිදී අධිකරණය දැනුම්දුන්නා.
