යුරෝපීය කොමිසම විසින් ඇපල් සමාගමට විශේෂ දැනුම්දීමක් කර තිබෙනවා. ඒ අනුව ඔවුන් කියා සිටිනේ , යුරෝපයේ විකුණනු ලබන අයිෆෝන්ස් වල කනෙක්ටර් වෙනස් කළ යුතු බවයි.
සියලුම වර්ගවල ජංගම දුරකථන, ටැබ්ලට් සහ කැමරා සඳහා එක හා සමාන “චර්ගින්ග් පොර්ට්” ඇතිකළ යුතුය යනුවෙන් යුරෝපීය සංගමයේ සාමාජික රටවල් එකඟවී තිබෙනවා.එම හේතුව නිසා 2024 වනවිට අයිෆෝන්ස් වල කනෙක්ටර් වෙනස් කළ යුතු බව ඔවුන් ඇපල් සමාගමට දන්වා සිටිනවා.
එමගින් පාරිභෝගිකයින්ගේ කටයුතු පහසුවන බවත් සමාගම් ඒ සම්බන්ධයෙන් එකඟතාවයකට පැමිණීමට අපොහොසත්වීම හේතුවෙන් තමන් ඊට මැදිහත් වූ බව යුරෝපීය කොමිසම පැවසා සිටිනවා.
එක හා සමාන “ආරෝපන අතුරු මුහුනත්” නිර්මාණය කරන ලෙස යුරෝපීය සංගමය අදාළ සමාගම්වලට වසර 10ක පමණ කාලයක් විටින් විට දැනුම් දී තිබුනත් කිසිවෙකු ඒ සඳහා උනන්දුවක් දක්වා නොතිබුනු බව කියැවෙනවා.
යුරෝපානු සංගමය එසේ කර තිබුණේ අයිෆෝන් සහ ඇන්රොයිඩ් ෆෝන් භාවිත කරනු ලබන පාරිභෝගිකයින්ගෙන් දිගින් දිගටම ලැබුණු ඉල්ලීම් හේතුවෙනි.
