බේස්ලයින් මාර්ගයේදී මෝටර් රථය අනතුරට පත් කර, පුද්ගලයෙකුට පහර දී බරපතල තුවාල සිදු කළැයි කියන සිද්ධිය සම්බන්ධයෙන් පාර්ලිමේන්තු මන්ත්රී වෛද්ය අර්චුනා රාමනාදන්ට පවරා ඇති නඩුවෙහි විත්තියේ සාක්ෂි විභාගය නොවැම්බර් 10 වන දිනට කැඳවිමට කොළඹ අතිරේක මහේස්ත්රාත් නුවන් කෞශල්ය අද ( 17) දින නියම කළා.
ලසන්ත අබේවර්ධන නමැත්තකු ඉකුත් 2021 මාර්තු 02 වැනිදා බේස්ලයින් මාර්ගයේ මෝටර් රථය පදවමින් සිටියදී එම රථය අනතුරට පත්කර පහර දීමේ සිද්ධියට අදාල නඩුව කැඳවූ අවස්ථාවේදී මහේස්ත්රාත්වරයා මෙම නියෝගය කළා.
සිද්ධිය සම්බන්ධයෙන් අද (17) දින පැමිණිල්ලේ සාක්ෂි විභාගය අවසන් වු අතර විත්තියේ සාක්ෂි විභාගයට මෙලෙස දින නියම කෙරුණා.
