බස් සහ දුම්රිය මගීන්ගේ දුරකථන සොරකම් කළ අයෙක් අල්ලයි

බස් රථ සහ දුම්රිය මගීන්ගේ ගමන් මළු සහ ජංගම දුරකථන සොරාගන්නා පුද්ගලයකු ලැප්ටොප් සහ ජංගම දුරකථන 32ක් සමග අත්අඩංගුවට ගෙන තිබෙනවා.

මෙලෙස අත්අඩංගුවට ගෙන ඇත්තේ රාජගිරිය ප්‍රදේශයේ පදිංචි 38 හැවිරිදි පුද්ගලයෙක්.

දුම්රිය සහ බස් රථවල රාක්ක මත ගමන් මළු සහ ලැප්ටොප් සහිත බෑග් තබා නිදාගන්නා මගීන් ඉලක්ක කරගනිමින් සැකකරු සොරකම් සිදුකර ඇති බව සඳහන්.

සැකකරු සොරකම් කල ජංගම දුරකථන 32ක් සහ ලැප්ටොප් යන්ත්‍ර 5ක් හමුවී ඇති අතර සැකකරු අත්අඩංගුවට ගන්නා මොහොතේ හෙරොයින් මත්කුඩු පැකට් කිහිපයක් සොයාගෙන තිබෙනවා.

සැකකරු පොලිස් වසම් කිහිපයක තාවකාලිකව නවාතැන් ගෙන දීර්ඝ කාලයක සිට ජාවාරම කරගෙන ගොස් ඇති බවත් පොලිස් ස්ථාන කිහිපයකට අවශ්‍ය කර සිටි සැකකරුවෙකු බවත් හෙළිවී තිබෙනවා.

සැකකරු පානදුර මහේස්ත්‍රාත් අධිකරණයට ඉදිරිපත් කිරීමට නියමිතයි.