ලංගම සහ පෞද්ගලික බස් රථ ඒකාබද්ධ ප්රවාහන සේවය උල්ලංගණය කරමින් පෞද්ගලික බස් රථ ධාවනය කරවන නිසා හැටන් ලංගම ඩිපෝවට දිනකට 15%ක ආදායමක් අහිමි වන බව හැටන් ලංගම ඩිපොවේ නිළධාරින් පවසනවා.
ලංගම සහ පෞද්ගලික බස් රථ ඒකාබද්ධව ධාවනය කිරිමට නිකුත්කර ඇති කාලසටහන මෙලෙස දිගින් දිගටම උල්ලංගණය කරමින් මධ්යම පළාත් නුවරඑලිය මාර්ගස්ථ ප්රවාහන අධිකාරිය යටතේ පාලනය වන බල ප්රදේශවල පෞද්ගලික බස් රථ ධාවනය වීම නිසා හැටන් ලංගම ඩිපෝවට දිනකට 15%ක ආදායම් තත්වයක් අහිමි වී ඇති බව එම ඩිපොවේ කළමණකාරවරයා විසින් මධ්යම පළාත් මාර්ගස්ථ ප්රවාහන අධිකාරියේ සභාපතිවරයා වෙත ලිඛිතව ද දැනුම් දී තිබෙනවා.
හැටන් සහ නුවරඑලිය පෞද්ගලික බස් නැවතුම්පොළවල් වලින් නියමිත වේලාවට පෞද්ගලික බස් රථ ධාවනයට එක් කළ
ද එම බස් රථ සිය ගමනාන්තය වෙත නියමිත වේලාවට ධාවනය නොකිරිම නිසා ඊට පිටුපසින් ලංගම බස් රථය ධාවනය කිරිම හමුවේ මෙම ආදායම් තත්වය පහළ බැස ඇති බවයි ඩිපොවේ කළමණකාරවරයා එම ලිපියේ සදහන් කර ඇත්තේ.
කෙසේ වෙතත් මේ සම්බන්ධයෙන් අදහස් පළ කරමින් මධ්යම පළාත් මාර්ගස්ථ ප්රවාහන අධිකාරියේ උසස් නිළධාරියෙක් කියා සිටියේ මෙම ගැටළුව සම්බන්ධයෙන් දෙපාර්ශවයම කැදවා හෙට (14) දින සාකච්ඡාවක් පැවැත්වීමට කටයුතු කරන බවයි.
