නෝර්වුඩ් ආදාහනාගාරයට පිවිසෙන මාර්ගය ස්ථාන කිහිපයක් කිසියම් පිරිසක් විසින් හාරා එම වළවල්වල තිබූ මැණික් ඉල්ලම් සහිත පස් ගොඩගෙන තිබෙනවා.
දින දෙකක සිට ජාවාරම්කරුවන් පිරිසක් මෙලෙස තේ වතුයායේ කොටසක සහ නෝර්වුඩ් ආදාහනාගාරයට පිවිසෙන මාර්ගයේ විශාල වළවල් හාරා ඒවායේ තිබූ මැණික් ඉල්ලම් සහිත පස් රැගෙන ගොස් ඇති බවයි පොලිසිය පවසන්නේ.
මේ සම්බන්ධයෙන් ලැබුණු පැමිණිල්ලක් මත ඊයේ (01) රාත්‍රියේ නෝර්වුඩ් ආදාහනාගාරයට පිවිසෙන මාර්ගයේ පොලිසිය විසින් වැටලීමක් සිදුකර තිබුණා.
එහිදී ජාවාරම්කරුවන් පිරිස පළාගොස් ඇති අතර, වළවල් කපා රැගෙන යෑම සඳහා මළුවල පුරවා තිබූ ඉල්ලම් සහිත
පස් බෑග් කිහිපයක් සහ ඉල්ලම්කූරු 40ක් පොලිසිය භාරයට ගෙන තිබෙනවා.
ඉල්ලම් පිරවූ මළු සහ මැණික් ඉල්ලම් කැපීමට උපයෝගී කරගත් උපකරණ හැටන් මහේස්ත්‍රාත් අධිකරණය වෙත (02) දින ඉදිරිපත් කරන බව පොලිසිය වැඩිදුරටත් සඳහන් කළා.
