ඕමන්ත පොලිස් වසමේ නාවට්කුලම් ප්රදේශයේ පුද්ගලයෙක්ට තියුණු ආයුධයකින් පහරදී ඝාතනය කර ඇති බව වාර්තා වනවා.
මෙලෙස ඝාතනය වී ඇත්තේ වයස අවුරුදු 32 ක් වූ නාවට්කුලම්, ඕමන්ත ප්රදේශයේ පදිංචිකරුවෙක්.
මරණකරුගේ මව සහ ඥාතීන් පිරිසක් අතර නාවට්කුලම් කෝවිල අසලදී ඇතිවූ ආරවුලකට මැදිහත් වීමේදී එම පිරිස අතර සිටි පුද්ගලයෙක් තියුණු ආයුධයකින් පහරදී මෙම ඝාතනය සිදුකර ඇති බවට සිදු කළ විමර්ශනයේදී අනාවරණය වී තිබෙනවා.
මෘත ශරීරය වව්නියාව රෝහලේ මෘත ශරීරාගාරයේ තැන්පත් කර ඇති අතර සැකකරු අත්අඩංගුවට ගැනීම සඳහා ඕමන්ත පොලිසිය වැඩිදුර විමර්ශන සිදු කරනු ලබනවා.
