රජයේ වෛද්‍යවරුන් වෙත ලබාදීමට තීරණය කළ රුපියල් 35,000ක දීමනාව ලබාදීම තාවකාලිකව අත්හිටුවීමට තීරණය කර තිබෙනවා.
ඊට අදාළ උපදෙස් සෞඛ්‍ය ලේකම්වරයා විසින් ලබාදී ඇති බවයි සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන නිවේදනයක් නිකුත්කරමින් සඳහන් කළේ.
අදාළ නිවේදනයේ දැක්වෙන්නේ මහා භාණ්ඩාගාරය විසින් ඒ සඳහා අවශ්‍ය ප්‍රතිපාදන ලබාදීමට කටයුතු කර නොමැති බවයි.
මහා භාණ්ඩාගාරය මෙම ගැටලුව කඩිනමින් නිරාකරණය කරගන්නා තෙක් මෙම ගෙවීම තාවකාලිකව නතර කිරීමට මෙලෙස තීරණය කර තිබෙනවා.
