ජාත්යන්තර වාණිජ මණ්ඩලයේ සභාපති මාරියා ෆර්නැන්ඩා ගාර්සා (Maria Fernanda Garza) මහත්මිය ශ්රී ලංකාවේ දින 5ක නිල සංචාරයක් සදහා අද පස්වරුවේ කටුනායක ගුවන් තොටුපොළ වෙත පැමිණ තිබෙනවා.
මෙලෙස ජාත්යන්තර වාණිජ මණ්ඩලයේ සභාපතිවරයෙකු ශ්රී ලංකාවට පැමිණෙන ප්රථම අවස්ථාව මෙයයි.
ලොව පුරා ව්යාපාරික සමාගම් මිලියන 45ක ආයතනික සාමාජිකත්වය ඇති රටවල් 170ක් නියෝජනය කරන ජාත්යන්තර වාණිජ මණ්ඩලය ලෝකයේ විශාලතම සහ වඩාත් බලගතුම ව්යාපාරික සංවිධානය ලෙසටයි සැලකෙන්නේ.
එක්සත් ජාතීන්ගේ සංවිධානය, ලෝක වෙළඳ සංවිධානය (W.T.O) සහ ලෝක බුද්ධිමය දේපළ සංවිධානය (W.I.P.O) යන සංවිධාන නියෝජනය කරන එකම වාණිජ මණ්ඩලයයි.
එමෙන්ම මාරියා ෆර්නැන්ඩා ගාර්සා මහත්මිය එක්සත් ජාතීන්ගේ සංවිධානයේ මහා මණ්ඩලයේ “තිරසර නාගරීකරණය” පිළිබඳ උපදේශක කමිටුවේ සාමාජිකාවක්.
මාරියා ෆර්නැන්ඩා ගාර්සා මහත්මිය අද සවස 06.40ට බංග්ලාදේශයේ ඩකා නුවර සිට ශ්රී ලන්කන් ගුවන් සේවයේ UL – 190 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබෙනවා.
ඇය පිළිගැනීම සදහා ශ්රී ලංකා වාණිජ මණ්ඩලයේ සභාපති ඇන්තනී එම්.ශනිල් ප්රනාන්දු, එම මණ්ඩලයේ ලේකම් හේමකුමාර ගුණසේකර, ප්රධාන මෙහෙයුම් නිලධාරී සංජීව කරුණාරත්න යන මහත්වරුන් ඇතුළු පිරිසක් කටුනායක ගුවන් තොටුපොළ විශේෂ අමුත්තන්ගේ මැදිරිය වෙත පැමිණ සිටියා.
