ශ්රී ලංකාවේ ණය සම්බන්ධ කරුණු පිළිබඳව ජනාධිපති රනිල් වික්රමසිංහ මහතා චීන අපනයන ආනයන බැංකුවේ සභාපති Wu Fulin මහතා සමඟ වීඩියෝ ඇමතුමක් මගින් සාකච්ඡාවක් පවත්වා තිබෙනවා.
කොළඹ පිහිටි චීන තානාපති කාර්යාලය ප්රකාශ කළේ ඉතා ඵලදායි මෙම සාකච්ඡාව අඟහරුවාදා (10) පැවති බවයි.
එම සාකච්ඡාවේදී ජනාධිපති රනිල් වික්රමසිංහ මහතා ද්විපාර්ශ්වික සහයෝගීතාව සහ ශ්රී ලංකාවේ වත්මන් ණය ගැටලු පිළිබඳව අදහස් හුවමාරු කර ගත් බව තානාපති කාර්යාලය වැඩිදුරටත් සඳහන් කර තිබෙනවා.
ශ්රී ලංකාවේ ණය ප්රශ්න විසඳීම සඳහා හුවමාරු මෙන්ම සහයෝගීතාව තවදුරටත් ශක්තිමත් කිරීමටත්, දිවයිනේ ආර්ථික ප්රකෘතිය සහ තිරසාර සංවර්ධනයට උපකාර කිරීමටත් දෙපාර්ශවය එකඟ වූ බවයි චීන තානාපති කාර්යාලය වැඩිදුරටත් කියාසිටියේ.
ඔබේ ප්රතිචාරය කුමක්ද ?
+1
+1
+1
+1
+1
+1
+1
