පිස්තෝලයක් වැනි ගිනි අවියක් පෙන්වා කාන්තාවක් බිය කර ඇය පැළද සිටි රන් දම්වැල සහ පෙන්ඩනය කඩා ගෙන පලා ගිය බව කියන සැකකරුවන් දෙදෙනෙකු අත්අඩංගුවට ගැනීම සදහා විමර්ශණයක් ආරම්භ කර ඇති බව වනාතවිල්ලුව පොලීසිය පැවසීය.
ඉකුත් 30 වෙනිදා වනාතවිල්ලුව – 06 කණුව ප්රදේශයේදී මෙම කොල්ලය සිදුවී ඇත.
වනාතවිල්ලුව – ස්මායිල්පුරම් පදිංචිකාරියක් වන මාරසිංහ පේඩිගේ සුජීවා දීපානි මාරසිංහ යන අය විසින් සිදු කර ඇති පැමිණිල්ලට අනුව පොලීසිය මෙම විමර්ශණය ආරම්භ කර ඇත.
තමන් යතුරු පැදියකින් ගමන් කරමින් සිටි බවත්, තවත් යතුරු පැදියකින් පැමිණි දෙදෙනෙකු වනාතවිල්ලුව – 06 කණුව ප්රදේශයේ අතුරු මාර්ගයකදී තම යතුරු පැදිය මාර්ගය හරස් කර නවත්වා පිස්තෝලයක් වැනි ආයුධයක් පෙන්වා තමාව බිය කර පැළද සිටි රන් දම්වැල සහ පෙන්ඩනය කොල්ලකා පලා ගිය බව පැමිණිළිකාරිය පොලීසිය හමුවේ පවසා ඇත.
කොල්ලකරුවන් විසින් පැහැර ගෙන ගිය බව කියන රන් දම්වැල සහ පෙන්ඩනයේ වටිනාකම පැමිණිළිකාරිය සටහන් කර නැත.එමෙන්ම කොල්ලකරුවන් කව්රුන්ද යන්න ඇය හදුනා ගෙන නොමැති බවත් පොලීසිය කියයි.
වනාතවිල්ලුව පොලීසිය වැඩිදුර විමර්ශණ කටයුතු කරගෙන යයි.
