“ඒක නෝබෝල් පරාජයක්” ඉන්දියාව ලැබූ පරාජයට ප්‍රවීනයින්ගෙන් දෝස්මුරයක්

ඉන්දීය කණ්ඩායමේ පරාජයට ප්‍රධාන හේතුව නිපන්දු යැවීම බව ඉන්දීය ක්‍රිකට් ප්‍රවීනයින් චෝදනා කරනවා.

ඔවුන් පවන්නේ මෙම පරාජය ‘නෝබෝල් පරාජයක්’ බවයි.

හිටපු ඉන්දීය ක්‍රිකට් ක්‍රීඩක ගෞතම් ගාම්භීර් ශ්‍රී ලංකාව සමඟ ඊයේ තරගයෙන් පසු ස්ටාර් ස්පෝර්ට්ස් හි පැවති සාකච්ඡාවේදී මේ පිළිබඳව සඳහන් කර සිටියා
.
දිගු කාලයක් කණ්ඩායමෙන් ඉවත්ව සිටි පසු අර්ෂ්දීප් වහාම කණ්ඩායමේ එකොළොස් දෙනා අතරට පැමිණීම, ඔහුගේ අවිධිමත් හා රිද්මයානුකූල නොවන පන්දු යැවීමට හේතුව බවයි ගාම්භීර් වැඩිදුරටත් සඳහන් කළේ.

එම සාකච්ඡාවේදී වැඩිදුරටත් අදහස් දක්වා සිටි ගෞතම් ගාම්භීර්,

“බෝල හතක් හිතන්න, ඒක හරියට ඕවර 21කට වඩා යවනවා වගේ. හැමෝම නරක පන්දු යවනවා හෝ නරක පහරවල් ගහනවා, නමුත් එය රිද්මය ගැනයි. ඔබ ආබාධයකින් පසුව එනවා නම්, ඔබ ජාත්‍යන්තර තරඟයක් ක්‍රීඩා නොකළ යුතුයි, ඔබ දේශීය ක්‍රිකට්වලට ගොස් රිද්මය නැවත ලබාගත යුතුයි ජාත්‍යන්තර ක්‍රීඩාවක් ක්‍රීඩා කරන්න. අර්ෂ්දීප් සිං ඔහුගේ රිද්මය සමඟ අරගල කරන විට එය පැහැදිලිව දැකගත හැකි වුණා.”

පන්දු යවන්නන් නෙට් පුහුණුවීම් සහ පුහුණු සැසිවලදී නොබෝල් යැවීම හේතුවෙන් ජාත්‍යන්තර තරගයකදී වුව ද එවැනි වැරදි නිතර නිතර සිදුවීමට ඉඩ ඇති බවයි හිටපු ඉන්දීය ආරම්භක පිතිකරුවා වැඩිදුරටත් අදහස් දක්වමින් සඳහන් කළේ.

ඊයේ තරගයේ දී ඉන්දීය වේග පන්දු යවන ක්‍රීඩක අර්ෂ්දීප් සිං දුර්වල පන්දු යැවීමක් පෙන්නුම් කළ අතර, ඔහු යැවූ පන්දු වාර 02 තුළ ලකුණු 37ක් ලබා දුන්නා.

එමෙන්ම එම පන්දුවාර 02 තුළ දී නිපන්දු 05ක් ද ඔහු විසින් යවනු ලැබුවා.

ඔබේ ප්‍රතිචාරය කුමක්ද ?
පට්ට !
10
අවුල් වගේ !
0
හරි හිනා !
30
හම්මෝ !
0
මාර දුකයි !
5
මලපනිනව !
7
කුජීතයි !
2

සතියේ පලවූ මෙවැනිම පුවත්

spot_img
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

සතියේ ජනප්‍රියම පුවත්

අපගේ නවතම පුවත්

?