2025 චැම්පියන්ස් කුසලානය වෙනුවෙන් පාකිස්තානයට පැමිණීම ඉන්දියාව ප්රතික්ෂේප කළ හොත් ඊට වන්දි මුදලක් ගෙවන ලෙස පාකිස්තාන ක්රිකට් පාලක මණ්ඩලය ජාත්යන්තර ක්රිකට් කවුන්සිලයට දන්වා තිබෙනවා.
දේශපාලන සහ ආරක්ෂක හේතූන් මත ඉන්දියාව තම කණ්ඩායම පාකිස්තානයට නොඑවන්නේ නම් සහ ඔවුන් සහභාගීවන තරග වෙනත් රටකට ගෙන ගියහොත්, ICC විසින් මේ සඳහා වන්දි මුදල් ගෙවිය යුතු බවයි පාකිස්තානය පවසා ඇත්තේ.
මේ අතර 2025 දී ඉන්දියාව පාකිස්තානයේ ක්රීඩා කිරීම සඳහා වන ඕනෑම ඉල්ලීමක් පාකිස්තාන රජය විසින් ඉටු කිරීමට සූදානම් බව ද පාකිස්තාන ක්රිකට් ආයතනය පවසා තිබෙනවා.
2025 වසරේ පෙබරවාරි සහ මාර්තු මාසවල පාකිස්තානයේ පැවැත්වීමට නියමිත චැම්පියන්ස් කුසලාන තරගාවලිය පිළිබඳව සාකච්ඡා කිරීමට පාකිස්තාන ක්රිකට් ආයතනයේ ප්රධානීන් කිහිප දෙනෙක් ICC විධායක මණ්ඩලය හමුවී ඇති බවයි වාර්තා වන්නේ.
එළඹෙන චැම්පියන්ස් කුසලාන තරගාවලියට එක්වන කණ්ඩායම්, නිමා වූ එක්දින ලෝක කුසලාන තරගාවලියේ ප්රසාද ලකුණු සටහන අනුව තෝරා ගනු ලැබුවා.
ඒ, අනුව එම ප්රසාද ලකුණු සටහනේ මුල් ස්ථාන හතේ රැඳී සිටින කණ්ඩායම් 07 සහ සත්කාරක පාකිස්තානය 2025 වසරේ පැවැත්වෙන චැම්පියන්ස් කුසලානය සඳහා තේරී පත් වුණා.
ඉන්දියාව පකිස්තානයේ ගහන්න බය හොර වැඩ කරලා දිනන්න බැරි නිසා