ඉන්දීය සාගර කලාපයේ (IOR) ආරක්ෂක මූලස්ථානය ශ්රී ලංකාවේ පිහිටුවීමට දකුණු ආසියානු කලාපයේ රටවල් තීරණය කර තිබෙනවා.
ඉන්දීය සාගර කලාපයේ ආරක්ෂාව පිළිබඳ කොළඹ ප්රකාශය ඉදිරිපත් කළ මොරිෂස්හි ආරක්ෂක උපදේශකවරුන්ගේ සමුළුවේදී මෙම තීරණයට එළැඹ ඇති බවයි වාර්තා වන්නේ.
දකුණු අප්රිකානු රටවල් සමඟ ඉන්දීය සහ දකුණු ආසියානු නියෝජිතයන් ඊට සහභාගි වී තිබෙනවා.
ශ්රී ලංකා නියෝජිත, ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක සාගල රත්නායක මහතා ඉදිරිපත් කළ යෝජනාවට සමුළුව එකඟ වූ බව සඳහන්.
ඒ අනුව මින් ඉදිරියට ශ්රී ලංකාව කේන්ද්ර කර ගනිමින් ඉන්දීය සාගර කලාපයේ ආරක්ෂාව තහවුරු කිරීමේ සියලු කටයුතු ක්රියාත්මක කෙරෙනු ඇති.
ඉන්දීය සාගර ආරක්ෂක මූලස්ථානය ලබන මාසයේදී බණ්ඩාරනායක සම්මන්ත්රණ ශාලාවේ ස්ථාපිත කෙරෙන අතර පසුව එය ස්ථිර ගොඩනැගිල්ලකට ගෙන යාමට නියමිතයි.
