පුද්ගලයෙකුගෙන් රුපියල් 3000ක අල්ලස් මුදලක් ලබා ගැනීමට ගිය ත්‍රීකුණාමලය මහා රෝහලේ තාවකාලික මරණ පරීක්ෂකවරයා අල්ලස් කොමිසම විසින් අත්අඩංගුවට ගෙන තිබෙනවා.
අල්ලස් හෝ දූෂණ චෝදනා විමර්ශන කොමිෂන් සභාව සඳහන් කළේ ත්‍රිකුණාමලය බක්මීගම ප්‍රදේශයේ පුද්ගලයකු සිදු කළ පැමිණිල්ලකට අනුව සැකකරු අත්අඩංගුවට ගෙන ඇති බවයි.
පැමිණිලිකරුගේ මියගිය බාප්පාගේ මරණ පරීක්ෂණය සිදු කර දීම සඳහා රුපියල් 7,500ක මුදලක් සැකකරු අල්ලස් වශයෙන් ලබාගෙන තිබූ බවට මූලික විමර්ශනවලදී අනාවරණය වී තිබෙනවා.
නැවත මරණ සහතිකය ලබා ලබාගැනීමට අවශ්‍ය මරණ පරීක්ෂක වාර්තාව ඉක්මනින් ලබාදීම සඳහා රුපියල් 3000ක් ඉල්ලා එම මුදල සැකකරුගේ නිවෙස තුළ දී ලබා ගන්නා අවස්ථාවේ එහි සිටි පොලිස් නිලධාරීන් විසින් සැකකරු අත්අඩංගුවට ගත් බව සඳහන්.
අත්අඩංගුවට ගත් සැකකාර මරණ පරීක්ෂකවරයා ත්‍රිකුණාමලය මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
අල්ලස් හෝ දූෂණ චෝදනා විමර්ශන කොමිෂන් සභාව පරීක්ෂණ සිදු කරනවා.
