spot_img
AFC Banner
Empty Ad
Empty Ad

අන්සතු පාස්පෝට් එකකින් රට පනින්න හැදූ තරුණයෙක් අල්ලයි

වෙනත් පුද්ගලයෙකුට අයත් ගමන් බලපත්‍රයක් උපයෝගී කර ගෙන ඔස්ට්‍රියාවේ – වියානා නුවර වෙත පලා යාම සඳහා කටුනායක ගුවන් තොටුපොළ වෙත පැමණි ශ්‍රී ලාංකික තරුණයෙකු ඊයේ (09) රාත්‍රියේ දී කටුනායක ගුවන් තොටුපොළ ආගමන විගමන දෙපාර්තමේන්තු දේශ සීමා ආවේක්ෂණ ඒකකයේ නිලධාරීන් පිරිසක් විසින් අත්අඩංගුවට ගනු ලැබුවා.

මෙම සැකකරු 39 හැවිරිදි යාපනය – තෙලිප්පලෙහි පදිංචි ද්‍රවිඩ ජාතිකයෙක් බවයි වාර්තා වන්නේ.

ඊයේ රාත්‍රියේ දී ඉන්දීය ගුවන් සේවයේ ඒ.අයි. – 282 දරන ගුවන් යානයෙන් ඉන්දියාවේ නවදිල්ලි නුවර වෙත ගොස් එතැන් සිට ඔස්ට්‍රියාවේ වියානා නුවර වෙත යාමටයි මෙම ගුවන් ගමන සැලසුම් කර සිට ඇත්තේ.

මෙම තරුණයා ගුවන් සේවා සියලුම නිෂ්කාශන කටයුතු නිම කර ගැනීමෙන් පසුව ගුවන් තොටුපොළ විගමන ප්‍රදේශය වෙත පැමිණ සිටි අතර, ඔහු පිළිබඳ ඇති වු සැක කටයුතු හැසිරීම මත කටුනායක ගුවන් තොටුපොළ ආගමන විගමන දෙපාර්තමේන්තු දේශසීමා ආවේක්ෂණ ඒකකයේ නිලධාරීන් විසින් මොහුගේ ලියකියවිලි වැඩිදුරටත් පරීක්ෂා කර තිබෙනවා.

එහිදී මෙම ඔස්ට්‍ර්යා ගමන් බලපත්‍රය තැරැව්කරුවෙකුට රුපියල් ලක්ෂ 90ක් ලබා දී සකස් කර ගෙන ඇති බවත්, ඔහුගේ ගමන් මල්ලේ ඔහුගේ සැබෑ ගමන් බලපත්‍රය සහ කූඨ ලෙස සකස් කළ විගමන මුද්‍රාවක් ද තිබී ආගමන විගමන දෙපාර්තමේන්තු දේශසීමා ආවේක්ෂණ ඒකකයේ නිලධාරීන් විසින් සිය භාරයට ගැනුණා.

සැකකරු ගැන වැඩිදුර විමර්ශන කටයුතු සඳහා කටුනායක ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් වෙත භාරදීමට පියවර ගෙන ඇති බවයි අප ගුවන්තොටුපොළ වාර්තාකරු පැවසුවේ.

ඔබේ ප්‍රතිචාරය කුමක්ද ?
+1
0
+1
0
+1
2
+1
0
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?