සූරියවැව, පොල්පහ ප්රදේශයේ නිවසක් තුළ තියුණු ආයුධයකින් පහර දී කාන්තාවක් ඝාතනය කළ සිද්ධියේ සැකකරු සියදිවි හානිකරගෙන තිබෙනවා.
සැකකරු ගෙළ වැළලාගෙන මෙලෙස සියදිවි හානිකරගෙන ඇති බවටයි තොරතුරු වාර්තා වුණේ.
ඊයේ (05) පස්වරුවේ තියුණු ආයුධයකින් පහර දී සැකකරු විසින් 37 හැවිරිදි දෙදරු මවක් ඝාතනය කර තිබුණා.
අදාළ පුද්ගලයා සහ කාන්තාව අතර දීර්ඝ කාලයක සිට අනියම් සබඳතාවයක් පැවති බවටයි තොරතුරු අනාවරණය වී ඇත්තේ.
එහි දී ඇතිවූ ආරවුලක් මත මෙම ඝාතනය සිදුකර ඇති බව පොලිසිය සඳහන් කළා.
සැකකරු විසින් ඝාතනය සිදු කිරීමෙන් පසු ඒ සම්බන්ධයෙන් දුරකථනයෙන් පොලිසිය අමතා දැනුවත් කර තිබෙනවා.
අපරාධය සිදුවන අවස්ථාවේ කාන්තාව පමණක් නිවසේ රැඳී සිට ඇති අතර, ඇයගේ නීත්යානුකූල සැමියා නිවසේ සිට නැහැ.
ඝාතනය සිදුකිරීමෙන් පසු සැකකරු හම්බන්තොට, බැල්ලගස්වැව ප්රදේශයට ගොස් මෙලෙස සියදිවි හානිකරගෙන ඇති බවයි වාර්තා වුණේ.
