එක්සත් අරාබි එමීර් රාජ්යයේ සිට අත්අඩංගුවට ගෙන මෙරටට පිටුවහල් කළ සංවිධානාත්මක අපරාධ සහ මත්ද්රව්ය ජාවාරම්කරුවෙක් වන රණසිංහ ආරච්චිගේ සංඛ ශිරාන්ත නොහොත් ‘බ්ලුමැන්ඩල් සංඛ’ ප්රකාශ සටහන් කර ගැනීමෙන් අනතුරුව කොළඹ උතුර අපරාධ කොට්ඨාශය වෙත අද (14) දහවල් රැගෙන ගොස් තිබෙනවා.
ඔහු සමඟ මෙරටට පිටුවහක් කර තිබූ තවත් සංවිධානාත්මක අපරාධකරුවෙක්වන මෝදර නිපුනගේ මල්ලී නොහොත් මෝදර චතුර විමර්ශන කටයුතු සඳහා නාරාහේන්පිට මධ්යම අපරාධ විමර්ශන කාර්යාංශය වෙත අද (14) උදෑසන රැගෙන යනු ලැබුවා.
ශ්රී ලංකාවට අත්යාවශ්යව සිටි සංවිධානාත්මක අපරාධ සහ මත්ද්රව්ය ජාවාරම්කරුවන් දෙදෙනෙකු වන මොවුන් දෙදෙනා, එක්සත් අරාබි එමීර් රාජ්යයේ අබුඩාබි නුවර රැදී සිටියදී , එරට ආරක්ෂක අංශ නිලධාරීන් විසින් අත් අඩංගුවට ගෙන ඊයේ (14) රාත්රියේ මෙරටට පිටුවහල් කර එවා තිබුණා.
මොවුන් මෙරටින් පළා ගොස් අබුඩාබි නුවර සැගවී සිටින අතරතුර , මැදපෙරදිග යුද්ධයේ දී ඉරානය විසින් ප්රහාර සදහා භාවිත කළ ඩ්රෝන යානා සහ මිසයිල වල ජායාරූප සහ වීඩීයෝ දර්ශන තම ජංගම දුරකථනවල රදවා තබා ගෙන සිටියදී , එරට ආරක්ෂක අංශ නිලධාරීන් විසින් මොවුන්ව අත්අඩංගුවට ගෙන තිබුණා.
මේ අතර බ්ලූමැන්ඩල් සංඛ නැමැත්තා රණසිංහ ආරච්චිගේ රුවන් චාමර නමින් එන්.8739521 අංක දරණ ව්යාජ විදේශ ගමන් බලපත්රය භාවිත කරමින් විදේශ ගතව ඇති බවයි අනාවරණය වී ඇත්තේ.
