වොෂින්ටන් හි ‘වොෂින්ටන් හිල්ටන්’ හෝටලයේ ඇමරිකානු ජනාධිපති ඩොනල්ඩ් ට්රම්ප්ගේ ප්රධානත්වයෙන් පැවති රාත්රී භෝජන සංග්රහය ඉලක්ක කරගෙන වෙඩි ප්රහාරය එල්ල කළ තුවක්කුකරු ගැන තොරතුරු අනාවරණය වී තිබෙනවා.
මෙම තුවක්කුකරු කැලිෆෝනියාවේ සිට පැමිණි 31 හැවිරිදි වියේ පසුවන කෝල් තෝමස් ඇලන් නැමැති අයෙක් බවයි වාර්තා වන්නේ.
මෙම සිදුවීමෙන් අනතුරුව ධවල මන්දිරයේ දී මාධ්යවේදීන් අමතමින් ට්රම්ප් ජනාධිපතිවරයා සඳහන් කළේ ප්රහාරය සඳහා පැමිණි සැකකරු සතුව ගිනි අවි කිහිපයක්ම තිබූ බවත්, ඔහු උත්සවය පැවැති ස්ථානයේ ආරක්ෂක මුරපොළක් වෙත ඔහු කඩා වැදීමට උත්සාහ කර ඇති බවයි.
එම අවස්ථාවේදී ආරක්ෂක අංශ විසින් වෙඩි තැබීම සිදු කර සැකකරුව මෙල්ල කර ඇති බව සඳහන් කළ ට්රම්ප්, එහිදී ආරක්ෂක අංශ නිලධාරියෙකුට ද වෙඩි ප්රහාරයක් එල්ල වී ඇති බවයි.
කෙසේ වෙතත් එම නිලධාරියා වෙඩි නොවදින ශරීර සන්නාහයක් පැළඳ සිටිම හේතුවෙන් ඔහුට හානියක් සිදුව නොමැති බවත් ට්රම්ප් ජනාධිපතිවරයා පවසනවා.
මේ අතර එක්සත් ජනපද නීතිපති ටොඩ් බ්ලැන්ච් සඳහන් කර ඇත්තේ, සැකකරුට එරෙහිව ඉතා ඉක්මනින් අධිකරණය හමුවේ චෝදනා ගොනු කරන බවයි.
තුවක්කුකරු හෝටල් පරිශ්රයට ඇතුළු වූයේ කෙසේදැයි සොයා බැලීම සඳහා විමර්ශකයින් හෝටලය පුරා ඇති ආරක්ෂිත කැමරාවල දර්ශන පරීක්ෂා කරන බව වොෂින්ටන් ඩීසී පොලිස් ප්රධානී ජෙෆ්රි ඩබ්ලිව් කැරොල් පවසනවා.
ධවල මන්දිර වාර්තාකරුවන්ගේ රාත්රී භෝජන සංග්රහය අතර තුර මෙම වෙඩි තැබීම සිදුවූ අතර එහිදී කිසිවෙකුටත් ජිවිත හානි සිදුවුනේ නැහැ.
