කැළණි ගඟ ආශ්රිතව ඇතිවිය හැකි සුළු ගංවතුර තත්ත්වය පිළිබඳව වාරිමාර්ග දෙපාර්තමේන්තුව යාවත්කාලී කිරීමක් අද (22) පෙරවරු 10.00ට සිදුකර තිබෙනවා.
ඒ, අනුව එම දෙපාර්තමේන්තුව නිවේදනය කරන්නේ, කැළණි ගඟ ද්රෝණියේ ධාරා ප්රදේශවලට මේ වන විට මිලිමීටර් 300 කට ආසන්න සැළකිය යුතු වර්ෂාපතනයක් ලැබී ඇති බවයි.
එම වර්ෂා තත්ත්වය සහ වාරිමාර්ග දෙපාර්තමේන්තුව මඟින් කැළණි ගඟ ද්රෝණිය තුළ නඩත්තු කරනු ලබන ගංඟා ජල මාපකවල ජල මට්ටම් විශ්ලේෂණය අනුව මෙතැන් සිට ඉදිරි පැය 48 ක කාලය තුළ කැළණි ගංඟා නිම්නයේ හංවැල්ල ප්රදේශයෙන් පහළ පිහිටි සීතාවක, දොම්පේ, පාදුක්ක, හෝමාගම, බියගම, කඩුවෙල, කොළොන්නාව, කැළණිය, වත්තල හා කොළඹ ප්රාදේශීය ලේකම් කොට්ඨාශවලට අයත් කැළණි ගඟ ආසන්නයේ පවතින පහත්බිම් ප්රදේශවලට සුළු ගංවතුර තත්ත්වයක් ඇති විය හැකි බවයි අනතුරු අඟවා සිටින්නේ.
මෙම තත්ත්වය සම්බන්ධයෙන් දැඩි සැලකිල්ලකින් කටයුතු කරන ලෙස එම ප්රදේශවල පදිංචි මහජනතාවගෙන් සහ ප්රදේශ හරහා ගමන් ගන්නා වාහනවල රියදුන්ගෙන් ඉල්ලා සිටිනවා.
