කළුතර දකුණ, වෙට්ටුවකඩේ ප්‍රදේශයේ අද (28) පෙරවරුවේ සිදුවූ වෙඩි තැබීමේ සිද්ධියේ වෙඩික්කරුවන් පැමිණි බවට සැක කෙරෙන වෑන් රථයක් ද පොලිසිය විසින් සොයාගෙන තිබෙනවා.
කළුතර – මතුගම මාර්ගයේ දොඩංගොඩ ප්‍රදේශයේ අතහැර ගොස් තිබිය දී අද (28) දහවල් මෙම සුදු පැහැති වෑන් රථය සොයාගෙන ඇති බවයි වාර්තා වුණේ.
මෙම වෑන් රථය ඝාතනයට පෙර සැකකරුවන් පැමිණි වෑන් රථය බවත්, මෙම වෑන් රථයෙන් මෝටර් රථයට මාරු වී අපරාධය සඳහා වෙඩික්කරුවන් පැමිණ ඇති බවයි සැකපළ කරන්නේ.
මේ අතර වෙඩික්කරුවන් අපරාධයට පැමිණි බවට සැක කෙරෙන මෝටර් රථය ද අද (28) කළුතර, නෑඹඩ ප්‍රදේශයේ දමාගොස් තිබිය දී පොලිසිය විසින් සොයා ගනු ලැබුවා.
