තම යුද නෞකාවකට ඉරාන මිසයිල ප්රහාර දෙකක් එල්ල වී ඇති බවට පළවන වාර්තා එක්සත් ජනපදය ප්රතික්ෂේප කරනවා.
එක්සත් ජනපද මධ්යම අණදෙන නිලධාරි සෙන්ට්කොම් එක්ස් හි සටහනක් තබමින් පවසන්නේ, “එක්සත් ජනපද නාවික හමුදා නෞකාවකට පහර දී නැත” යනුවෙන්.
කෙසේ වෙතත් ඉරාන හමුදාව මීට පෙර කියා සිටියේ එක්සත් ජනපද නාවික නෞකවකට හෝර්මුස් සමුද්ර සන්ධියට ආසන්නයේ දී මිසයිල ප්රහාරයක් එල්ල කළ බවයි.
ඉරාන ප්රවෘත්ති ඒජන්සිය වන ෆාර්ස් පැවසුවේ, ඇමරිකානු යුද නෞකාව අනතුරු ඇඟවීම් නොසලකා හැරීම හේතුවෙන් මෙම ප්රහාරය එල්ල කර ඇති බවයි.
මේ අතර එක්සත් අරාබි එමීර් රාජ්යය පවසන්නේ තම රජයට අයත් තෙල් සමාගමක් වන ඇඩ්නොක් සමඟ අනුබද්ධිත නෞකාවක් හෝර්මුස් සමුද්ර සන්ධියේදී ප්රහාරයකට ලක්ව ඇති බවයි.
මෙම ප්රහාරයෙන් කිසිවෙකුට තුවාල සිදුවී නොමැති බව එරට විදේශ අමාත්යාංශය වැඩිදුරටත් පවසනවා.
මේ අතර එක්සත් අරාබි එමීර් රාජ්යය ඉරානයෙන් ඉල්ලා සිටියේ ප්රහාරය නවත්වන ලෙසත් සියලු සතුරුකම් වහාම නැවැත්වීමට සහ හෝමූස් සමුද්ර සන්ධිය සම්පූර්ණයෙන්ම සහ කොන්දේසි විරහිතව නැවත විවෘත කිරීමට එහි පූර්ණ කැපවීම සහතික කරන ලෙසයි.
