ලංකා ප්‍රිමියර් ලීග් තරගාවලියේ දී ක්‍රීඩා ආචාරධර්ම උල්ලංඝනය කිරීමේ චෝදනාව සම්බන්ධයෙන් ක්‍රීඩකයින් කිහිප දෙනෙකුට දඬුවම් සහ දඩ පැනවීමට තීරණය කර තිබෙනවා.
ශ්‍රී ලංකා ක්‍රීඩකයින් දෙදෙනෙක් වන කුසල් මෙන්ඩිස්, චාමික කරුණාරත්න පාකිස්ථාන ක්‍රීඩකයින් දෙදෙනෙක් වන හසන් අලීට සහ නසීම් ෂාට එරෙහිව මෙලෙස දඬුවම් සහ දඩ පැනවීම් සිදුකළ බවයි ලංකා ප්‍රිමියර් ලීග් තරග සංවිධායකයින් සඳහන් කළේ.
ඒ, අනුව වේග පන්දු යවන ක්‍රීඩක හසන් අලීට තරඟ ගාස්තුවෙන් සියයට 15ක දඩයක් සහ දඬුවම් ලකුණක් පැනවිටම තීරණයට කර තිබෙනවා.
මේ අතර පසුගිය 05 වනදා පැවති දඹුල්ල අවුරා සහ කලම්බෝ ස්ට්‍රයිකස් අතර තරගයේ දී පිටිය මැද ගැටුමක් ඇතිකර ගත කුසල් මෙන්ඩිස් සහ චාමික කරුණාරත්නට දඬුවම් සහ දඩ මුදල් පැනවීමටයි තීරණය කර ඇත්තේ.
ඒ අනුව කුසල් මෙන්ඩිස්ට තරඟ ගාස්තුවෙන් සියයට 10ක දඩයක් සහ දඬුවම් ලකුණක් පැනවීමටත් චාමික කරුණාරත්නට තරඟ ගාස්තුවෙන් සියයට 30ක දඩයක් සහ දඬුවම් ලකුණු 02ක් ද පනවා තිබෙනවා.
පාකිස්ථාන වේග පන්දු යවන ක්‍රීඩක නසීම් ෂාට තරඟ ගාස්තුවෙන් සියයට 20ක දඩයක් සහ එක් දඬුවම් ලකුණක් පනවා ඇත්තේ පසුගිය ජුලි 30 වනදා ජැෆ්නා කිංග්ස් සහ කලම්බෝ ස්ට්‍රයිකස් කණ්ඩායම් අතර පැවති තරඟයේදී තරඟ නීති උල්ලංඝනය කිරීම හේතුවෙන්.
